30歲有舊錢投資點做? 老闆不告訴你的三件事【諗SIR】#2833

以下是我的情況，希望能獲得建議，感謝

 

我今年30歲單身，兩年半前借9成買了第一層樓自住，是粉嶺聯和墟的單幢私樓兩房(買入價458萬，還剩400債)，樓齡30年，將於半年後可放。現在希望有正向現金流及利益最大化，應放租/換樓/賣樓收息/按樓買第二間/車位？還是有更加好的其他方法呢？謝謝！

 

A.我支持不少年青人買樓，要符合4件事

 

1.相信未來通脹會持續

在政府印銀紙下現供樓供10000至20000多元，隨著時間供款所需付出價值會減少。因兩萬多元可買東西是越來越少

 

2.該樓要做高槓桿。令年青人付出少不壓死現金流之下，可供間樓儲錢之餘更可因時而租出，搵人同你供埋間樓佢

 

3.買樓的價位最好水位，但如要等10年去等1間有水位的，咁不如平庸的買間正路正價就夠。因買樓不是用黎捕捉大市，而是用時候去磨走欠債。確實有人在市況極端下做錯決定大平賣。其中易遇見的係計錯數買了樓花，原本間樓一係平賣一係焗撻。亦有些人買樓買到戶口只淨1萬幾千，遇上樓市壞消息被嚇震走。

 

當然打工唔叻，就可轉花些心神研究揀股選樓。乜都唔投放時間，神仙都難救。

 

第4點和第3點是相依相輔

 

買樓要選流轉量及較知名屋苑。因後生就是錢一般較少，那手上的樓都要較易放賣易返錢。絕不要本少之是選些偏門項目。買樓投資較大，要行正路。反而買股票的本金少，本金少是可以走偏。當然啦，唔少股價都在較低位置(全世界)》

 

 

B.年青人的投資目標。可用2樓1份債。

 

人到40，有1樓自住、另1樓收租。加200萬收息。到中年間收租樓都供了一半或更多，產出現金流應有租金之一半(例如收租18k而供淨300萬那月供樓只9k左右，正現金流有18k-9k=9k)，而200萬收息8%即一年16萬，月收12.5k。即2樓1份債幫你月月收入9k+12.5k = 21.5k，起碼夠洗用或資助中年更多支出。

 

 

C.至於年青人買股票上，可留意: 

 

股票不需要投大錢去買，幾萬蚊開始已好足夠。買股準備要鑽研，世上只係財仔有易得錢，不過9出13歸。買股是hit-and-run就可，長揸唔使理擺一下可倍升發達的? 是謊言。你係上市公司主席比幾千萬上市費用，就係想股價長升長有唔印股cap水集資? 誠哥1972年上市就狂印股票cap水，3蚊上即升到6，然後幾年間用6蚊股價(或些少折讓)去cap水買平地皮，咁去發大達。小股民係等到97年長實風光之前，已被cap水cap到乾了，而後生仔又有幾錢去跟供(股)?

 

我自己都係做生意，做生意確實風險高。環破世界政府監管員工唔生性乜都關老細事，正因如此股價長勝不衰只是傳說。當然我地除了講，都要有實例。例如下圖監察每天創新低的股票數目，係8月21日創新低股票數目收斂時，沽壓開始減弱，港股由17000點即彈成1000點。此不屬完整方案，想帶出思考買咩股票，唔係睇價格，而係睇每日相對的大市表現先。

 

 

 

到選股，不是看咩價位買，而是看此時段什麼股跑贏大市，再在當中篩選。好像下圖美團公司(黃色)跑贏恆指。匯控由跑贏恆指到只同恆指平手跑，都是要留意的訊號。

 

 

買股票賺到錢，要好好收息產出月入。有月入(即被動收入)，才可告別打工生涯，將時間用係個人增長，才可令人生豐盛及賺到更多，而唔係日日返工幫老細搵銀。

 

當然，知識及能力增長才是人生最大可獲之槓桿，充實自己努力做好正職，可助拓闊視野。在擇偶上可想消楚下半世你的PARTNER是誰，在正職上人工上升令買樓借貸力大增，遠比你炒賣賺的可獲更多。

 

 

 

※只接受修畢「收息101 / 股樓債賺價課程」的學員報名，本課程不對外開放！※

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---