4年前資產被強姦 今日終於出人頭地! #2374

您好諗Sir:

 

轉眼間已4年了,眼見諗Sir這4年間業務不斷擴張如八爪魚一樣,真心替你開心之餘,證明自己無跟錯人,哈哈,不賣關子,我係個案 1352 個案被哥哥「資產強姦」的弟弟,當年我人工少資金不多,又亂買股票輸錢,得你明燈指引,細佬我呢幾年努力工作,比錢上堂學投資,將以前係股票/基金市場輸既錢攞返黎,現在打算再次請教諗Sir您如何報署這黃金10年

 

資產如下:

本人34歲

九龍美居樓310呎(34年):     HK 5.2M,今年初加按至6成,套現2M

珠海樓(2021年底收樓):      RMB 2.8M 首期+傭金RMB 950K(明白國內樓市存在不確定性,但因工作需要,小弟我打算定居國內,

肇慶樓(2022年中收樓):      RMB 800K 首期+傭金RMB 320K(所以買大灣區樓,自用為主,日後母親唔想工作,可隋時回國內住,當然日後樓價大升也可能賣出)

股票:                                  HK1.5M (打個和,可隨時套現)

保險+基金現值約:              HK850K(可隨時套現)

現金:約                               HK300K

 

收入:

工作收入/年:                      HK 500K

美居樓租金收入/年:           HK150K

股息收入/年:                      HK30K

 

支出:

香港供樓/月:                         HK     11K (欠HK 3.1M/30年還)

珠海供樓/月:                         RMB  9.9K(欠RMB 1.8M/30年還)

肇慶供樓/月:                         RMB  3.3K(欠RMB 0.5M/30年還)

香港租樓/月:                         HK     7K (與朋友合租)

保險支出/月:                         HK     7.2K (其中5K是2018年再買了一份儲蓄錢保險(供10年,有2M人壽,  剩下2.2K醫療+危疾)

這份儲蓄保係我人生最後要買的保險,已幫到盡,雖然家人有私下資助我一部份,但錢都唔係咁樣…(唔想講)

 

小弟我因工作需要及想搵多D,由2018年接受公司調派國內工作,現基本係長駐國內公司,因疫情已2年冇回香港,除今年初翻一翻香港過年,希望疫情今年盡快完結後,回港打算報讀收息/Double保險及買樓Course

好啦,要入正題,以下係小弟我的報署,

香港家人無配額買樓,自己再買第二層成本好高.所以自己想係香港可以一樓一債一保險,一步一步來,短期目標(5年內)被動收入每月有HK40K ,希望諗Sir比下意見

 

建議1: 由於層樓都34年,今年剛大維修,個人認為此樓再升的幅度不大,想趁現在高位賣出,再買一間約20年樓齡的樓(300-400呎)出租,或買間呎數大既樓間成做宿舍

建議2:  將股票基金套現合共2.35M ,用1.2M槓桿買債基,0.5M買Double保險,0.3M買股票(將上堂學到既野繼續實踐),餘下的放在銀行用作於萬一債基被Call Loan

建議3:  諗Sir 建議 (不知諗Sir眾多業務中是否有代租代收的服務,如有就非常適合本人)

 

最後祝諗Sir您身體健康,業務蒸蒸日上

——

碌卡消費，收到月結單發覺使大左？WeLend A.I. 私人貸款比信用卡更低息。
WeLend A.I大額貸款新組合，一筆過申請大額現金流旁身，再享彈性延長還款期，年利率低至1.88%！立即申請，盡賺高達$12,000現金獎！
即刻申請：https://bit.ly/3CTgJN9 。即日過數！
忠告：借錢梗要還，咪俾錢中介；查詢及投訴熱線：3590 6396；放債人牌照號碼：0970 / 2021

 

—-

ANSWER:

先恭喜讀者將理財方向糾正，上次撰交回應#1352應是4年前，現已寫到#2370。諗sir每工作天寫一篇文章，同時希望你每工作天努力存錢，謹慎理財。時間累積的威力很大。

 

同時我亦收到其他Powerteam用戶留言，指7月尾股市大跌令其預左買樓的縮減，現在買兩房變買一房，望住破頂既中原城市指數及害人不淺既股市，說明我及隊員要更努力，將正確客觀的理財資訊盡快帶比大家。

 

當然股市有其用處，我建議hit and run，而唔係成舊錢長坐。只有上市公司既管理層，才會資助節目叫你將錢長放股票，變相俾錢佢地洗。

 

 

讀者月入4萬幾，但月供保險7200，佔收入近20%，不正常。你話中年後期有仔有女，買大些人壽同醫療我都同意。但讀者婚都未結(34才)，最重要係連我既收息班都未上，仲乜7野買咁多保險呢?

 

相信讀者有屋企人做保險，讀者自述:「這份儲蓄保係我人生最後要買的保險,已幫到盡…」淨低既留比大家諗。上星期我講Wetland season bay已硬撼地產經紀，新一個星期無謂再開多邊火頭。

 

美居都係些排序較低既屋苑，你有冇聽過人講「一儲夠錢我就買層美居呀~」既然特首講左高成數只可上一層樓，買好些。但有件事要留意，千萬唔好將工資發放點轉為內地，原因:

1/ 會將借按揭的收入變為境外收入，境外都搞到有交大陸稅就可，但打20%折唔出奇

2/ 由2021年5月開始，提供境外收入借貸之人仕很有可能唔比九成上自住樓，因境外工作

 

同意買股票30萬就夠，方法對30萬開始炒股可倍增，未試對方法300萬做本一樣會輸。所以先試到套正確方法才先好用一定資產入市，否則對唔住自己辛苦錢。

 

用兩樓一份債去作為首個目標正確，不少收息/買樓班師兄的first checkpoint:

a/第一間樓，九成上會。例如儲50-60萬，上間六百幾萬，搵powerteam幫你搵樓唔難中到間跑贏兼可慢慢價蒲上800萬既兩房

 

b/50-60萬唔該儲到，儲唔到錢即係理財執行力唔夠，邊都唔使去。因此教導小朋友儲錢唔係為佢d錢，而係培養執行力。起碼眼前一半人，連順利及如期執行一樣野都未做到，所以請放心只要你有決心，一定贏!

 

c/ 經常保持至少30-40萬係袋，流動資金免你賤賣資產，老千才會經常叫你all-in。上年既wallstreet bet咪係囉

 

d/ 再儲多幾十萬，買保險融資，預期6-7年後，40萬變80萬成為你第二間樓的首期。其實買第一間樓首期+流動資金+再加30萬投入融資都只係總110-120萬，一個人儲到同認要成20-30歲十年時間，但如有伴侶夫婦一齊儲唔難的

 

e/ 買第二間樓咪老婆名九成，或未婚者用阿媽吧，百年之後免稅落番你自己名。到時兩間樓一自住一借比人住，等於有人幫你供，40歲出頭間樓都供了一半啦

 

f/ 30-40年華有錢儲落買債，如炒股有心得就進度加快。到時再儲到一個100萬投入債收8%年息(我自己倉有條5.75%及12%年息的，拉平大約8%)，100萬收息8萬一年即七千幾一個月，再加有層樓收租又萬餘元，最起碼係四十出頭有2萬被動收入，到時份工唔穩陣都唔使咁驚

 

g/ 未雨綢繆，勿臨渴掘井

—

生意上需要周轉，又嫌銀行報價慢？唔洗左等右等，30分鐘即有批核結果。
A.I. 業主私人貸款，實際年利率低至1.88%，貸款額最高可達150萬！
唔洗樓契唔洗律師費，只要你係業主就可以！
即批即過數，高達2萬元回贈等你拎走：https://bit.ly/3CWdsg8。受條款及細則約束。
忠告：借錢梗要還，咪俾錢中介；查詢及投訴熱線：3590 6396；放債人牌照號碼：0970 / 2021

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---