【李聲揚】克勤能創業節儉可興家儲蓄廖創興創業又興家

古語有云「做差人就有呂樂,開銀行就有廖創興,搭巴士就有顏成坤」。不過,曼德拉效應了,並冇一個人叫做「廖創興」。
TLDR:又賣盤?定煲下無米粥咋?
1. 嗰位仁兄叫廖寶珊,冇錯有間中學。廖寶珊就巴閉咯,李嘉誠都當佢係偶像,事實佢仲要大李嘉誠近30年,廖寶珊搞咗檔銀行出嚟,當時李嘉誠甚至仲打緊工,都仲未開始痴膠花。
2. 廖寶珊1940年代就嚟香港,最初做乜?當然係做咕喱,三角馬頭。點發跡架呢?真係同而家香港人差不多,都係靠炒。炒乜?最初係炒油—唔係石油,係食油。然後係炒金,炒地皮。十分香港精神。而多得啲潮洲咕喱鄉里關照,好多都存錢畀佢(後來有啲自己發咗跡添),廖生就拎埋啲錢再去買地起樓。西環創業中心咪佢,旺角創興廣場都係,仲有中環佢地總部大樓都多數租出去的(邊用到咁多)。只係創興廣場一年都收過億租
3. 講返今次呢壇嘢,應該九成九係賣盤?不過見只係話「短暫停牌」,應該未成事住,可能話你知「接獲有人有興趣」「但可能發生或可能不發生」「投資者應謹慎行事」
4. 應該好多人都知,其實創興一早賣咗盤!咁當然可以再轉手。創興之前已經唔係廖家生意,2013年賣咗畀大陸嘅越秀,一早渣住75%,另外廣洲地鐵渣住7%。留意當年越秀買嗰時保留返個上市地位,同招商買永隆唔同。
5. 咁所以,都有人估,到底係賣盤定私有化?都難估,但照計似係賣多啲,如果越秀係想成間買起退埋市,當年已經可以做啦。
6. 講返,其實幾廿年前會講,「香港地銀行多過米舖」,咁但米舖都消失晒,銀行都係咁上下。陳年嘅,即係我睇銀行之前嘅,道亨(以前223)同廣安當年賣畀星展,或者新鴻基銀行變咗港基國際再變富邦香港(以前636),友聯同華比變咗工銀亞洲(以前349),或者中銀十三行變咗中銀香港(2388,其實2002年先上市)
7. 到我開始睇銀行後嘅,富邦香港私有化咗啦,工銀亞洲私有化咗啦,美銀亞洲賣咗畀建行變成建行亞洲啦,永隆(以前96)賣咗畀大陸蕉行啦,永亨(以前302)賣咗畀坡佬變華僑永亨啦。有冇漏?
8. 咁其實,由我第一日睇香港銀行開始,絶大多數就已經係等人買。只有中銀香港同恒生例外。亦因為咁,到後期根本老細叫唔好寫,說的也是,寫嚟把托,每次都係講等賣。況且成交丁屎咁多,你同內銀相比實在爭太遠—內銀金融海嘯後啲股價表現都係悶到出汁,但至少成交多,有啲生意畀公司。
9. 咁以前呢,扑中呢啲就幾好的,例如永隆嗰時天價賣,賣到3倍book—梗係啦,金融海嘯前嘛,仲要當時恒指30000點。但之後已經唔係嗰回事,賣盤嘅估值都低咗好多,永亨都係2倍左右咋。冇法,金融海嘯後銀行生意難做好多。
10. 咁你諗下,由我開始做銀行嗰時,即係至少2004年開始,已經係炒呢啲概念。咁你真係要等幾多年先食到糊?當然而家賣到幾多倍book唔知,咁正常我估都唔會低過1.0倍嘅。但,當中啲機會成本,都好大。你話買港股都話上上落落得個桔,但Lets say我2004年將啲錢就咁拎去買美股—都唔好話買Amazon 買NetFlix 執一百幾十倍咁屈機。喂我去買 道指買標指 都執 三四倍啦。
11. 最後講返,創興成280億Book,你見抽咗上嚟都只係140億市值,0.5倍Book左右,賣得成嘅,都係嗰句,唔會低過1倍走人啩?當然你睇ROE(股本回報)都係單位數,甚至係中單位數,但你咪理,都年年賺十幾億港紙。所以雖然外國啲銀行好多都below book,但都係有啲唔同。
12. 隔離台,大新銀行2356同大新金融440,一樣都炒起埋。你睇市值都係差不多(以前應該大新大啲),亦係0.4倍book,年年一樣係賺十幾廿億的。但,等等等,等到幾時?
13. 最好笑係,十幾年前我睇嗰時,創興又係咁嘅股價。唔係話中途賣盤?係喎,2013年越秀買嗰時三十幾蚊一股,而家股價得返三份一(炒上嚟之前),咁你估佢地會唔會肯平賣?我就有啲懷疑。

 

============

了解更多:股市漁夫系統 免費試用

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00
wtsapp icon top