【莫家強】止蝕位可不斷上升嘅股票先好揸

止蝕位可不斷上升嘅股票先好揸

呢個係我近年買股票賺得相當唔錯回報嘅一個小竅門。我揀股票,我會揀一啲止蝕位可以不斷調高嘅選擇。其實無論係用乜嘢方法set 止蝕位,用50天線又好,用樓梯又好,或者用其他方法都好,如果止蝕位可以不斷上調,你持有股票嘅回報就會愈來愈高,投資賺錢要贏都會容易好多。

 

畀兩幅圖大家做例子,就會容易明白。

 

 

紅色部份,係HSBC ADR 跌勢最差嘅時期。試想想,如果你做買到呢隻股票,你可以想樣set 止蝕。就算你問我,其實我都唔識點set。如果你係用每次反彈前嘅低位做止蝕,你會發覺個股價經常都會中止蝕。有啲人鍾意再接再厲玩呢啲弱勢股。但情況就係,每次嘅止蝕位都會比之前嘅一次低。買呢啲股票,好難贏錢。

 

 

相反,以上呢隻晶片股ETF (Ticker: SMH),股價每次跌至50天線後好快可以反彈。但最重要係,只要你將止蝕位set 去例如係跌穿50天線嘅8%,咁你嘅止蝕就會不斷上調,而只要你持貨愈久,可以獲得嘅盈利就會愈多。最後,你只要股價跌穿止蝕位,或之後會變成止賺位,咁就已經可以。

 

只要揸緊呢個principle,之後其實你用邊個呢方法嚟set 止蝕位,都會有幫助。

wtsapp icon top