上星期，美股嘅焦點一定係一眾大麻股。如果大熟悉呢個行業的話，當然可以直接買個股。但若然唔係太熟，可以揀ETF。而之前我都講過，有三間公司嘅ETF我係最鍾意。第一係ARK Invest。第二、第三，排名不分先後，分別係Invesco 同Amplify。而以下呢隻Amplify Seymour Cannabis ETF (Ticker: CNBS)，就係行業內表現得最好嘅ETF。
不過，當然現價買入嘅風險好高。穩陣啲，最好等回調再上先買。
另外，相信大家都有揸住ARK Invest 嘅ETF。5隻主要ETF，其餘表現都好好，總之記住繼續升就繼續揸。由於喺策略上都無乜大轉變，所以我都唔花篇幅去講喇。
IBUY，可算是另一隻非常強勢嘅ETF，現時止蝕位喺$122.79，唔算十分遠，未有貨嘅都可以考慮加貨，已持貨嘅可以繼續揸住。網購股仍有好大嘅發展潛力，若非有股災或大調整，IBUY 應該仍然仲有好大嘅上升空間。
SMH 又係另一隻現價距離止蝕位唔遠，可以考慮嘅選擇。已持貨嘅，可繼續持貨，未有貨可買入，止蝕位為什麼$224.93。
上星期講過嘅XBI，都繼續上升。總之又係睇住止蝕位$148.88。
呢隻係Biotech 嘅ETF。如果大家有留意開Biotech嘅股票，就會知佢哋嘅股價上落非常大。買ETF，就可以解決呢個問題。如果情況理想，XBI 都仲有好大嘅上升空間。
最後，美股好明顯都係中細價股嘅表現較好。至於大價股，走勢都有所轉強，但上升動力就略嫌不足，睇吓下星期會否可再進一步轉強。
最後，預祝大家新年進步，希望新一年大家都可以繼續賺到盤滿缽滿。新年後見。