3蚊升上嚟！彩蛋係呢間仲要係廣洲公司，果然係日啖荔枝三百顆，不辭長作嶺南人。
又，做乜唔用廣東話Stock Code？GIGI（好似畀人用咗）。咁不如叫MLKY，不是Make Love KY，而係馬黎珈而
1. 我教書，教中學雞代數第一課，多數都講「一把荔枝三把火」，「n把荔枝3把火」，明顯啲學生覺得極爛，而我又未痴線到（定好似試過？）貼黎姿張上出嚟。當然應該冇乜學生知道呢個gag 係麥兜，然後大個咗做文青消費本土就另一回事。
2. 講返，呢把「荔枝」（真係叫荔枝）就係……中國版嘅ClubHouse？冇用過。不過呢間嘢2020年1月已經上市，「邊個抄邊個都話唔埋」。
3. 同埋正如朋友話齋，間ClubHouse，似乎個核心技術都唔係自己嘅，係大陸嘢聲網Agora，嗯……只能講句錢多人傻。
4. 而反正另一方面，應該真係有一間「中國版嘅ClubHouse」（https://bityl.co/5TQQ）．咩呀！你有Hong Kong Club我有China Club，你有美國隊長我有中國隊長！
5. 而我嘅unpopular opinion（但搞start up做創作 做廚嘅個個知）：就係抄嚟抄去架啦。有冇專利呀？告到人未？咁你話合法唔等於道德，你咪鬧，米芝蓮三星啲廚都係抄嚟抄去。你哥利斯馬識Rabona人地學就唔道德？Miniso一樣大搖大擺上市，而佢亦亦都有畀人抄。一係你學澳牛咁去瑞士銀行（唔好去星展）開個保險箱鎖住自己條炒蛋秘方咯。
6. 又，zhi zi 不分呀下，真係差不多先生，激死普通話老師，果然最怕廣東人講普通話。但當然係因為上市編號只能四個字母（Pink Sheet就可以五個），否則蘋果就APPLE，Tesla就TESLA啦