大牛市常見異象，各位觀眾，溢價配股呀，後生啲真係未見過！
1. 講返，市旺配股cap水，冇乜咁出奇。批舊股嘅，現有股東減持套現，好合理，「自己賺夠畀其他人賺下」。批新股嘅，更加合理，幫公司拎錢。正經公司當然要拎錢做業務，老千公司就更加而家唔昆你等幾時。總之市旺唔cap水，如同錦衣夜行，對唔住江東父老呀。
2. 不過呢間公司比較特別，我特登公司名都唔開。唔好問我做乜，鳩知咩，千鳩幾間上市公司（＊）。首先，隻嘢2億市值，但集資集1億！你都夠狠呀高進。不過冇乜嘢，有供有求，關你鬼事
3. 另外睇下，隻嘢而家10億股（幫你查咗啦），發多4億新股。都印唔少。101題：攤薄咗幾多？咁你大約知，有兩種計法，4/10，或者4/14。一般我地用後者，as % of enlarged share capital，擴大後股本。29%。
4. 其實最好玩嘅係，個配股價。留意隻嘢收0.202，但配股價係0.24。嘩，傳說中嘅溢價配股呀！
5. 咁溢價配股呢啲嘢，唔算常見，但亦耐唔耐有。教科書講法就話你知，冇架喎，供求嘛（我有時發現呢句根本係廢話）。你街trade 緊咩價，同我配售傾嘅價，可以完全唔關事架喎，邊個話要關事？
6. 雖然實務上，總會有影響，或係 anchoring，例如「你老味你隻嘢出面先trade 1 蚊 你要我10蚊買？當我白痴？」，但，答嘅一樣可以答「咁你自己出街買啦！好行夾唔送」（＊＊）
7. 冇錯啦，個市值頂多可以suggest a price，but not enforce．你一般都見到配股價係折讓（特別係舊股沽出嚟—否則冇折我買家自己在街買得啦）。但講到尾都係，er，供求，邊個巴京拎包華大啲，邊個痕啲，或者係科斯托蘭尼嘅名句：視乎股票多，定係傻仔多。
8. 官方（？）點解釋溢價配股？同樓上差唔多。「嫌貴嘅你自己出街掃睇下掃到幾多？」。「個市咁好今日0.24我益你啦下個月我地股價見2蚊啦」。
9. 但又不過諗下：「如果啲貨咁搶手隻嘢就唔係2億市值啦」。Tesla配股都要折讓，比亞迪都要，咁人地啲股票搶唔搶手？人地啲買家冇巴京拎包華（BTW，Tesla最賣得嘅產品，係股票，唔係車）
10. 而仲有一樣最重要嘅嘢：息奴寧。但凡咩乜乜大孖沙認購，連登契媽話你知買乜股，索羅斯最新部署，都有一個問題：佢地明知自己一舉一動都會有好多人望住，甚至好可能影響返市場。咁佢地做嘢時，考慮就好多多嘢。甚至可以特登fake你。你估你買幾蚊報紙（而家唔使添）就睇到索羅斯底牌？合唔合你常識？
11. 講白啲，好多時（但不一定）大折讓配股，股價就跌。但溢價配股，嘩，令人無限憧憬喎。之前乜乜乜呢啲位都肯買喎，仲唔係覺得點點點？如果呢個乜乜乜係大基金，仲正。但人地其他嘢又使唔使話晒你知呢，可？
12. 如果我係球員呢？就大可以無啦啦貼張巴黎相，等你以為轉會。其實唔係去巴黎，係去小巴黎。正如如果我係諾貝爾文學奬啲評審？就有意無意在最近500個FB Post貼下書櫃，畀你見到有村上春樹 —然後頒個獎畀向西村上春樹，fake你一鑊勁。
13. 當然以上種種可能犯法（馬體會嘅英格蘭球員就領咗嘢停賽），但我一路想再寫一樣嘢：呢啲賭盤往往預示到結果，因為太多insider．但政治賭盤唔同，大家都也也烏，包括投嘅人同選嘅人，所以冇咁易有「市場智慧」。「你話賭香港特首就唔同」。仲唔信？當初民主黨初選，賠率最熱嘅係：彭博。所有政治記者都會話你知，市場智慧？my ass
14. 自己，參透下啦。但最後贈你一句，股票係人嘅遊戲，賭馬唔係賭馬，係賭人（唔係騎師啦，拜託）。
15. 又，「邁時資本」個Logo幾有心思，MAXA。至於呢啲「獨立財務顧問」，我都好短暫做過（CV冇寫的），有幾「獨立」就……介紹返本版嘅核心價值，唔好阻人搵食。你見我近乎從來唔會攻擊行家的。實情門檻唔高，牌亦唔太難拎，至於做嘅嘢更加簡單，真係兩皮嘢搵條友都識寫（正係當年嘅我）
16. 正如之前講微信女股，雖然我一早知邊幾隻（有入嗰啲TG群咪會知）我都等人散晒貨先講。「因為買微信女股嗰啲人係唔抵可憐的」。
（＊）重覆講多次，至撚怕啲打電話問冧把節目。呀主持人我20蚊買咗中石油呀應該點算？（除咗恭喜我都唔知講乜好）。亦有時係：呀主持人我30蚊買咗騰訊請問應該點？（當然係請我去日本）。不過更多係問啲唔知係乜嘅公司。咁而本人又講唔出 哦隻嘢3.8 咁你上望4蚊啦 跌穿3.5好止蝕。咁我初出茅蘆時，喂，我唔係冇試過，我試過安份守己呀。咪講唔識。但呢個係一個不利introvert嘅年代，大大聲即係啱，答得快即係識。就算觀眾唔介意呀李生十問九唔識，監制都會覺得，喂，呢條肥西（監製一般都好粗口）識唔撚識架？下次唔好叫佢啦，費事遲啲上面見到詐型。
（＊＊）呢類答案好好用。但凡有人投訴乜嘢貴，都可以咁講。嫌幾十蚊個漢堡包貴？自己返去整個。嫌一千蚊出次火（just saying）貴？自己返去用手，免費。
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00