======附件=======
======附件=======
上星期嘅文章都講過，有三個板塊嘅股股票同ETF，我最睇好。第一類，係ARK Invest 嘅ETF。第二類，係清潔能源類ETF，包括Clean energy、green energy、low carbon 等等類別。第三類係中資股。
事實上，喺Trump 於未能勝選連任總統之後，中資股嘅勢頭就開始轉強。過去兩週，更有唔少中資股票升到癲哂。當然，咁急升法，中間一定會有震盪，但震完之後，我相信仍會再升。而要解決震盪問題，最好就係用有限風險嘅Long Call策略，以小博大，所以上星期都教咗大家。
至於美股本身，一啲科技巨企，已經好多個月無上升到，近日雖看似都有啲短期升勢，但Biden嘅上場，暫時睇都係有利於中資股，更多於美股本身。
而大股當中，其中走勢最靚嘅，現價都可以買入嘅，有AAPL。大家可以睇住止蝕位$126.38。至於其餘大股，包括AMZN、MSFT、FB、GOOG，全部都唔夠AAPL靚，更反映AAPL 嘅前景更佳。
美股當中，都有啲之前少啲講，但有買入機會嘅股票，例如係FIVN。現價可以買入，大家可以睇住止蝕位$168.14，唔跌穿就可以繼續持有。
但的確，美股最強嘅股票類別，我相信大家都已經揸實。
ARK Invest 嘅ETF，其實幾隻嘅走勢都好好，隻隻只要睇實佢哋嘅止蝕位，唔跌穿就繼續坐，咁做就已經可以。
另外，Clean energy、green energy、low carbon 類別嘅ETF，好多隻都得，又係繼續升，繼續坐，回報就已經可以相當理想。
晶片同網購ETF，又係繼續強勢，都無乜特別嘢要補充。美股嘅市況，愈來愈係強弱分明。有時候，要夾硬揾一啲新嘅推介，往往都無已推介嗰啲咁好。相反，只要坐住舊有強勢嘅股票，賺錢就係咁簡單。
但到最後，做投資，賺錢先係最重要。只要揾得好，就OK，無未要成日轉嚟轉去。
最後，亦希望上週同大家講過嘅中資股類別ETF，以及Long Call策略，都可以幫大家賺到錢。泡沫，係有㗎喇，但對於我哋順勢投資者而言，泡沫係我哋嘅朋友，會幫我哋賺到更多嘅錢。到時，一旦股市走勢轉弱，只要我哋肯take profit 落車，就唔會有問題。
繼續享受升幅吧。