【莫家強】ETF一週評論 (20210113)

過去一個星期,大市嘅焦點有區塊鏈同清潔能源板塊。前者,升得好勁,但要買的話選擇唔多。而後者,有超多ETF 選擇,一陣教大家點分。

 

先講Block Chain。隻ETF 嘅Ticker 係BLOK。

 

 

BLOK,我知呢度有唔少朋友都有買。當然,佢同Bitcoin嘅升勢嘅比較,係無咁勁,但如果用埋Long Call 的話,賺幅就有過之而無不及。

 

BLOK 剛有個買入機會,現價距離止蝕位並非太遠,往後要睇實止蝕位,只要不跌穿$36.20,就可以繼續持有。

 

區塊鏈ETF 選擇唔多,大概都只有呢隻,但之後講嘅Clean Energy 就有好多選擇。其中最大隻嘅係ICLN。

 

暫時ICLN 未有買入位,但亦都值得睇吓佢嘅持股。

 

淨係頭兩隻成份股,如果大家有跟開,就知升幅有幾勁。特別係隻PLUG,隻到癲哂。三個月前,股價仲係十幾蚊,上日已經升到上66蚊。如果你有啲就咁買入呢啲單一波動大嘅股票,ICLN 係可以幫你分散到一啲風險。暫時未係時候買入,但呢隻ETF,要留意實。比較類似嘅ETF,仲有ACES。

 

 

 

 

 

 

PBW都係Clean Energy ETF,但成份股唔好同,主要成份股偏重於太陽能股,另外亦持有TSLA。奈何,又係升得太勁,暫時都未係時候買入,又要等等。

 

 

最後,介紹多隻低碳ETF畀大家,有三個唔同選擇,要等機會買入都容易啲。

 

 

低碳ETF,有比較多電動力股,加上其實Clean Energy 股票,事實上我自己都幾鍾意佢個配搭。雖然,仲未係好好嘅買入時機,但呢隻ETF,絕對又係要睇實。

 

當然,其實幾隻ARK ETF 都仲係好靚,又係可以吼機會買。

 

最後,都再一次提大家,真係要順勢而行。強勢股,有止蝕位跟從,就可以買入,一直升就可以一直揸。過去一年,有跟住呢個方法做嘅朋友,相信見到自己嘅回報,應該都會好有信心係要咁做。

 

相反,升嘅股票唔買,淨係買啲所謂「估值低」嘅股票,然後炒出炒入,你嘅回報好難會好。

 

而且,2021年,就算唔係牛轉熊,咁樣升法,之後會有超大型調整出現,都絕不出奇。但唔理擔心,順勢而行就係避股災、調整最好嘅心態。再加上適當嘅策略選擇,就更加安全。

wtsapp icon top