【李聲揚】我要跳怪叔叔!我要跳怪叔叔!

 

 

 

 

1. 呢期好多人講而家市況係咪好似2000年科網泡沫咁。咁呢個當然係100億嘅問題,歷史又好少簡單重覆,況且2017年我在星展時已經有人咁講,而泡沫總係爆咗後你先知,一切都好似「早有先兆」—事後睇。
2. 況且,投資嘅嘢,思想不能咁二分。不能只諗「係」定「唔係」,永遠係值博率,贏面,注碼配罝。所以今篇唔係討論「而家係咪泡沫」
3. 不過想講嘅係,可能有啲讀者都年青,都未知當年咩景象,始終都20年前。我都只係學生。
4. 咁除咗我地成日講嘅地產佬都個個高科技(我巧記得1998年我已經用網上拍賣仲拎去世貿中心交收—梗係銅鑼灣,唔係美國),個個都卡其褲 skin head矽谷才俊look。仲有就係一大堆乜乜。com
5. 香港就有Tom。com (又名「劏得甘」,誠哥啲嘢),有 HongKong。com,仲有一大堆咩天網呀 Y28 呀 之類嘅東西 (而我當年居然去「博學堂」買過書!講緊1999年嘅事,你老味在中環中心放書,真係唔蝕到仆街有鬼)(**)
6. 美國,就梗係威水。啲名騎呢過騎呢。有Pets。com 有 Flooz。com 有
7. Crayfish。com 有Fatbrain。com .最經典嘅係ezboar。com,詳情……自己睇(https://ggle.io/3lA8
8. 當年亦同而家一樣,最初話,睇盈利?out啦。睇收入嘛。後來啲公司?根本收入都冇,得個website。乜乜。com.睇eyeball,hit rate,啲才俊返工就係不停reload自己公司個網頁(當時bot仲未咁普及,全球化又未咁勁,冇得外判畀個南亞仔幫你F5)
9. 好啦,講咗咁多。舊年最當炒,亦被視為泡沫之一嘅,當然係堆 SPAC。美國殼股。詳情?我舊文寫過。記住一訂Patreon就全部睇晒,好開心的說(https://bityl.co/4Y0h
10. 今日呢隻新股,都係一隻SPAC。咁,佢嘅上市編號就係……LMFAO.是真的,內文都係咁寫。當然用四個位,就梗係LMAO。
11. 即係,冇事咪冇事咯。有事,呢啲就會成為廿年後啲分析員,講我地而家呢個年代嘅代表作。「咁都好意思入表」「又有人抽」。真係LMFAO
12. 呢隻LMFAO買乜?未研究,怕且唔係LMFAO或者莊冬昕嘅創作rights.話時話近年好輕。最早當然好多人都聽過嘅大衞寶兒 Bowie Bond,可以講係 asset securitization 嘅先行者。近期就有七人一個嘅Bob Dylan,同埋Neil Young 。
13. 呢,collateral damage係乜?就係Prince(死咗了)嘅遺產都畀人再翻幅,政府話當時估值唔啱,要再抽多啲。點解?就係有咗其他歌星,咪大約估到值。「你聽香港政府講咗三十年咩活化債券市場都係咁咋」,有咗幾隻,咪可以推埋其他出嚟。
14. 拿,科網講到SPAC講到Bob Dylan 怪叔叔 博學堂 姚樂怡(之後有),抵支持啦。基本上我每樣嘢都唔識,但又每樣都識少少。狐狸型,唔係刺猬型。
(*)有典故架。莊冬昕「怪叔叔跳古怪舞」,當時畀人勁恥笑。但後來就有人平反,話你睇人地LMFAO,或者啲韓仔,都係咁之嘛。所以證明呢,在這社會最怕走得太前,做先知係好痛苦嘅。又,啲女幾得。不過我都係鍾意「食軟雪糕」多啲。「啱啱畢業日日夜夜淨係做做做,相當激烈求求其其隨時無得撈」。歌詞不知幾有深度
(**)講起呢啲科網時代回憶仲有好多,我年紀嘅人人有個故事。想快嘅你去睇《跑馬地的月光》(梗係睇姚樂怡!)或者《新戀愛世紀》黎明扮Bill 姬。想真實嘅,睇我本人。當年我居然收過錢幫人做過webpage,恐唔恐怖?唔止,當年我畢業,有間銀行請我去搞e banking,幸好我有啲自知之明,最後都turn down offer.活地亞倫話齋,我真係唔會幫襯一間請我去做e banking嘅銀行。係邊間?係道亨。道亨後來變咗乜?星展。咁星展最出名嘅事係乜?就係掉咗人地個保險箱落堆填區。而後來我就去埋星展,真係善惡到頭終有報。不過我都好似冇刪走當年啲FB Post—唏,陳琳(文學家嚟呀)話齋,打份工啫,各為其主。箭在弦上,不得不發,搵食啫。我又冇鬧人祖宗十八代。

============

了解更多:股市漁夫系統 免費試用

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00
wtsapp icon top