歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
今日呢篇文章，我唔會有推介，因為我見到個市好似有啲嘢轉變緊，但又未係好睇得通，所以我覺得應該要睇定啲先。而呢樣嘢，我認為都好緊要。
好多時候，我都會收到大家嘅提問，問個市點睇。但我想講，除非個市或者啲股票有個明確趨勢出現，否則其實升跌係好難估。美股已經算好，但例如係港股，根本上好多時間都係無一個特定趨勢，要估升跌，實在係非常困難，呢樣亦都係點解咁多人玩港股都要輸錢。
因為，港股真係好難玩。
上年，特別係下半年，你會睇到我啲推介都唔係成日轉，來來去去都係嗰幾次ETF 同股票，好似ARKK、IBUY、SMH 咁，但如果大家有跟到嘅話，應該肯定會賺到相當唔錯嘅回報。事實上，去年美股如果你跟住方法去玩嘅話，真係好易玩，原因亦係由於有明顯趨勢出現。但問題係，呢個趨勢，能否持續。以下，係幾幅股票圖。
呢三隻，都算係去年其中升勢最平穩嘅ETF。ARKK、IBUY，喺過去個幾星期開始有少少升勢減弱嘅跡象，而SMH更加已經有個幾月無升過。雖然，暫時我對後市都未至於睇得好淡，但我認為，唔可以完全無戒備心。
強勢股Blackline (Ticker: BL)，未到止蝕位，如果只係佢一隻股回一回跌，問題都不大，但因為實在有太多股票都轉弱咗，所以唔可以唔小心啲。
KRNT 亦係另一隻上年好強勢嘅股票，短期升勢減弱，係短期情況定真係轉勢，呢樣係我現時最要觀察嘅重點。
至於大股，AAPL都叫做好少少，但例如係MSFT由7月開始都已經升唔起，即係話已經半年無升過，再加上AMZN、FB都係咁上下，無乜升勢，如果唔係我哋揀股揀得唔錯，其實去年下半年要喺美股賺錢，都唔係必然嘅事。
簡單嚟講，現時我會睇啲股票會否再有力上升，有明確睇法後，會再同大家講。現時，我會較去年底減倉1/3，其餘就跟止蝕位走人。星期三再講。