7226 兩倍正向，7552兩倍反向。又，睇清咗名同冧把先買。
1. 新經濟 舊經濟 新經濟 舊經濟。之前大半年都係新經濟科技股跑贏，未爆疫情之前固然係，3月大跌市時亦係跌得少啲，到反彈時更加係彈得多。故事大家都知，不用我再重覆。
2. 但都係物極必反，任何嘢有個價，你見到早排，就係舊經濟股跑贏了。原因最主要都係疫苗一路有好消息，估疫情受控（當然仲未受控，但都話股票炒將來！），重啟經濟之類。Nike BlackRock之類（Patreon推的）固然新高，但三重打擊嘅迪士尼都新高先堅。
3. 當然以上narrative人人識講，但難在你唔知邊個位先轉。然後你睇，呢排又到返新經濟股強勢。Tesla就不用講，當然好可能因為入指數。Google 早幾日都新高（但再之前係跑輸唔少的），Facebook亦都一路幾強勢，懶理咩政府告或者人人轉會。細隻啲嘅，ASML 一樣日日新高，Paypal之前都係。仲有啲軟件股更不用講，
4. 香港嘅情況，都係差不多。你以為轉炒舊經濟，但恒生科技指數（所謂的「港版納指」）只係離高位5%。 推出至今都升咗20%。唔好忘記推出嗰時係7月尾，科技股己經低位反彈唔少
5. 當時我都有少少關心，會唔會好似以前「五行三保指數」咁，出完就見頂。幸好冇，而最重要係，見到都幾多衍生工具出咗，有輪，有牛熊證，有期貨，有ETF。當中有乜好壞就以前都寫過
6. 想講嘅係，而家投資者將唔同行業分得好清。所以如果你睇好啲科技股嘅，可以直接買呢個指數（及其相關產品）。睇淡嘅，覺得ATMX會爆煲嘅，一樣，可以直接獲利，唔使得個講字。
7. 聽日（星期四，12月10日）南方東英會出兩隻新產品，啱晒鍾意高波幅嘅你。事實你估都估到，科技指數波幅已經高過恒指。咁仲想放大啲嘅，資金不足又想日日高波幅嘅，可以諗呢兩隻產品。
8. 7226係正向，兩倍。7552係反向，兩倍。十分刺激，啱晒多多意見嘅你。循例都提返，只係適合短炒，你一渣長就跟唔足，所有呢啲產品都會係咁的了。外國都係，簡單數學問題。
9. 其他例牌嘢都講返，兩隻嘅管理費都係1.60%，開支比率都係1.99%，都係全年計。一手100個單位，你預大約775蚊左右。就唔好又亂咁買亂咁沽了。
10. 另外，如果短炒嘅，啲開支就唔多覺，實務上都有人問我啲開支點收，答案就係每日在個NAV扣咗啲咁，其他ETF都係咁。每日開支比率就係除返開（應該計交易日，大約252，唔肯定）
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
