漁美人與慳妹空姐#5 : 以小博大- 贏返幾年年費

#慳妹空姐 : 好開心呀! 一個星期喳，我就可以免費用漁夫美股系統啦!

#漁美人 ：咩話? 點解你有得免費用㗎? 船長偏心空姐，咁唔公平?我要投訴呀!

慳妹空姐: 你誤會咗啦! 唔係全部關晒船長事㗎，有部分關 漁夫系統事，仲有部份關漁民事。👉🏻👈🏻👉🏻👈🏻👉🏻👈🏻

漁美人: （黑人問號.jpg）喂! 你拖晒所有人落水喎!

慳妹空姐: 我上次咪話試買A股ETF options 當練習嘅。第一次有小小成績之後，竟然梅開二度呀!夠我交美股系統年費啦!

漁美人: 原來係賺咗錢變相幫你交年費。 (扮船長腔) 🥸可唔可以同大家分享吓點樣㨂股?

慳妹空姐: 吓，我都冇好似漁毛毛咁勁，賺45年漁夫系統年費。又唔夠買咗中鋁call贏咗1090%嘅漁民叻。我最多60%贏，total 賺咗 2-3年年費喳喎…

漁美人: 你上次又話等你貼堂嘅。你啱啱先學買options，性格又咁蛇𠺌，都賺到年費。可能有啲人同你性格近似，啟發到佢哋呢?🤓

慳妹空姐: 咁好啦。首先，我想以小搏大及做好風險管理（最多都係輸晒期權金）所以想學買options。我參考咗漁毛毛SLV call option嘅心得，由「市場氣候」影片、文章加船長的facebook posts 演化出自己嘅睇法，再細細注試吓。近2個月我總結咗以下對市場嘅感覺：

1) 船長話中國嘅抗疫成績相對地做得好，所以啲基金經理可能將錢投資喺啲較安全嘅國家。另外，大眾焦點都放喺美國大選及美股，船長成日提住我哋鏗鏘集訪問啲散戶，放棄港股轉炒美股。因此，抱住人棄我取嘅心態，我㨂咗study A股ETF。

2) 10月中，我喺系統用「#以小搏大」+ filter「交易所買賣基金」，結果有南方A50 (2822)、安碩A50 (2823) 及華夏滬深三百(3188)。我決定揀2隻分散風險。由於3188係ABCDE餐食材之一，所以揀佢。另外，我㨂2823而唔㨂2822，因為當時2823 已升穿近3年高位，但2822未。

漁美人: 總結以上，你買咗咩?

慳妹空姐: 第1次喺10月中，買咗A50，11月$19 call 及3188 ，12月$60 call 。

漁美人: 點解一張買11月到期，另一張買12月到期?

慳妹空姐: 本來2張都想買12月㗎。不過A50㩒錯制，所以買咗11月 。🤣🤣🤣

漁美人: (🤦🏻‍♀️🤦🏻‍♀️🤦🏻‍♀️非常切合你嘅人物性格設定) 咁點解A50睇$19，3188睇$60呢?

慳妹空姐: 船長曾經講過，以小博大揀options可以買價外5%-10%，咁我揾個中間數7%左右，所以set咗呢2個目標價。A50，11月$19 call喺11月上旬我就平倉了，贏咗約60%。可能因為初有小成，所以儲咗少少信心。加上船長喺市場氣候對A股嘅口吻都冇變，所以我喺11月17日買番A50，12月$19 call。 最後，11月23日，2隻都到價時，我就平晒倉喇🥳

我發現原來只要肯喺可控嘅風險範圍內試下，投資信心真係可以儲番嚟㗎!

就好似我喺雙腳可掂地嘅泳池學游水，有咩事最多都係嚇一嚇+飲多2啖泳池水，但就唔使怕浸親企唔番起身😉😉😉

Thank you and good luck all Fishers xx

============

了解更多：股市漁夫系統 免費試用

股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。