11月25日周三。今日增長股及新經濟股大回吐，反而舊經濟銀行地產股升，市場繼續「新換舊」。
開心咗唔夠一日，組合今日也淌血中，剛買的勝獅（0716）及重汽（3808）正在坐艇。換着以前，一見股價跌，可能好緊張諗要唔要止蝕好，有咩風吹草動都草木皆兵，秒秒鐘睇實股價跳來跳去，神經兮兮。但係記得船長講過關注點唔係股價升跌，只需要收市前望下股價，而兩隻都係強板塊有破訊號的突破股，加上第一注注碼有限，所以決定坐耐少少再定去向，直至有止訊號才決定如何做風險管理。
點解有咁改變？因為經船長一講，我才發覺原來市場上有好多大戶專係stop hunting睇住嚟食，即係話股價去到邊個位係由佢哋決定，而自己以往亦有好多呢類止完蝕股價即飆升的悲慘經驗。低沽爆升股的經驗，小弟試唔少，亦都相信好多人都試過。
今日睇投資老手寫文章，話佢有朋友用價值投資法，計過一隻工業股價值至少10蚊，佢用半價5蚊去買，點知疫情殺到，隻股股價跌破3蚊，冇咗一半，由於擔心疫情沒完沒了，加上賬面身家大減形成心理壓力，於是決定沽貨睇定啲先。點知其後美國大選結果漸明朗，加上疫苗有好消息，隻股股價一枝箭飆到12蚊。買中倍升股但輸一半，仲要換來深深自責。結語係，心態與心法，有時較分析更加重要。
小弟最近試着就由心態方面着手，希望自己唔再患得患失，所以決定控制注碼，由系統話我知幾時要做好風險管理。
今日大市值股，物管股龍頭碧桂園服務（6098）都出止訊號，其餘二三四線物管股以至成個板塊，睇嚟暫時都係冇運行，唔知會否影響埋剛剛IPO招股的恒大物業（6666）及華潤萬象（1209）。
今日舊經濟銀行地產股例如大笨象（005）大反彈，但係新經濟股就捱沽。運輸多隻個股回吐，升得急回得深。金屬與採礦同樣跌，但逆市奇葩鞍鋼（0347）今日照升6.94%。
周期股跌，但搵風中勁草的時候，見到有隻股零零丁丁都幾特別，就係中煤能源（1898），睇睇股價圖，11月11日出破訊號，剛升離成交密集區，RS升緊，OBV強勁，剛剛升到250天線。再睇睇煤業龍頭神華（1088），比中煤仲要早一日出破訊號，而且仲要已升越250天線，50天線將升破250天線做黃金交叉，走勢亦唔差。煤股咁勁，唔通同寒冬有關？重點係，兩隻股都有期權以小博大，等小弟再研究下先。至於兗煤（1171）走勢仲係反反覆覆，又無破訊號，就唔考慮了。
今日寫住咁多先。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
