11月19日周四。船長叫我唔好淨係留意股價升跌，要諗下每日最重要的幾樣嘢。小弟要試下盡量精簡啲，集中寫幾樣小弟自以為有啲嘢的睇法。
先睇睇強勁的運輸板塊。當新聞都環繞着集裝箱「一箱難求」，而中遠海控（1919）、中遠海發（2866）、東方海外（316）都升到火箭咁，小弟當然無膽高追，sell on the good news。除了相對睇好的嘉里物流（636），小弟也嘗試在運輸板塊搵搵有冇落後股可睇。
近期見到好多人建議太平洋航運（2343）可追落後，小弟就試下分析。首先太航目前並無突破訊號，但其實8月13日曾經出過，但10月30日止咗，至今並無大跌，反而於11月9日曾大陽燭創近期高位，因此唔知之前算唔算stop hunting，如果真係，漁友話stop hunt完的股份值得睇，再睇下先。
如果由成交密集區睇，底應該已見咗，近月就在1.15-1.3水平上落。不過點解隻隻航運股升到爆晒，佢仲原地徘徊？小弟睇下資料，太航係從事乾散貨，與東方海外從事集裝箱貨運係兩回事，報道話中國經濟復甦需要好多資源，但撳撳BDI乾散貨指數，過去一個月至今竟然係下跌14%，難怪炒航運股冇佢份。既然係咁，等佢再出訊號才算。
反而大市值股微創醫療（853）出訊號，小弟就覺得值得留意。先睇往績，最近一次紀錄升幅99.3%，最近3次都贏，往績十分靚。從走勢圖睇，過去兩個月兩度測試27元都無穿，可視為最後防線，而漁夫系統將止蝕設於31.268，更加保守。而出現訊號正好突破7月高位至今的下降軌，有機會係真突破，美中不足係突破成交唔夠，可能今次只係炒分拆微創心通。小弟也唔會高追，就用船長所教的「打倒昨日的我」買入法，唔知會否成功呢？
另一隻出訊號的旺旺（151），剛公布半年度收入升10.7%，突破百億人幣，盈利升20.9%，疫情下都有理想增長，市場似乎收貨。旺旺所處的行業強勢，板塊中的農夫山泉（9633）、蒙牛（2319）、華潤啤酒（291）都接近新高。旺旺往績唔差，突破有成交支持，RS及OBV都明顯急升，反映資金追捧，但始終屬落後股，咁就扣咗啲分，睇下今日表現如何。
今日寫住咁多先。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
