歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
上週提及嘅股票，升得好靚嘅又有，要止蝕嘅又有，本來未係買入時機，但企穩後再上，可以買入嘅又有，所以先作跟進。
首先，最靚嘅係PDD。
其實上週初，一個疫苗消息，令幾乎所有疫苗股都下挫。但事後，有啲股票升唔返起，有啲股票就仲要再創新高。前者，我會加分；後者，就要小心。
先講PDD。業績理想，股價升咗上去，然後一日，股價再升。如已持貨，當然可以繼續持有。若未有貨，則可待調整後再上之時買入。
JD，其實都不差，但上週難玩嘅地方，係星期一、二嘅跌幅太大，有啲股係曾有細暫時間跌穿過止蝕位，但好快就升返上嚟。的確，呢啲情況係難攪啲。而我嘅做法，係但假如係喺開市頭半小時跌穿，好快就升返上去，咁我都可以接受，會繼續坐。但如係之後跌穿，唯有接受係走錯。而JD，大家可能仲係持有，如果係咁，暫時仍可繼續揸，企蝕位為$78.25。
至於EMQQ，今週有更佳買入位，買價可買入，止蝕位為$50.11。
SNAP 同PINS，如有貨，就應止蝕走人。
BL，跌幅唔大，並企穩有反彈，現價可買，止蝕位為$101.20。
但相對而言，TSM 嘅走勢更靚，上樓梯後止蝕位上移至$86.70，現價可買。
仲有一隻比較冷門少少嘅股票，我認為都值得大家留意。KRNT，係一間成衣印刷公司，有好多唔同嘅公司，都係揾佢幫手做印刷。
以上呢啲，都係一啲有賣自創圖案t-shirt 或布料嘅網店，而佢哋做印刷，都係揾KRNT。
而近年，亦可以睇到KRNT 嘅業績增長得好快，只要一直維持住上升趨勢，佢嘅股價仍有上升空間。現時，止蝕位為$66.27，唔跌穿可以繼續揸。
不過，一眾美國嘅科技巨企，除咗GOOG之外，其餘嘅走勢都唔係咁靚。
我自己，會睇實隻AAPL，如股價能再現上升動力，有機會買入，但現時未夠力上，會暫時觀察住先。如呢啲就算有盈利前景嘅大股都唔能夠上升的話，對整體美股而言，唔係好事。