11月13日周五。漁夫美股系統正式登場，漁民真係翹首以待。小弟雖然唔熟美股，但覺得美股的機會實在比港股多，只要將美股三大指數多年走勢同恒指拍埋比較，孰強孰弱一目了然。
小弟有位朋友是專業投資者，一直炒開港股，後來因為香港前景，為咗阿仔，就算不捨仍決心一家移民英國，亦為此認真研習美股（想適應移民後的買賣時間，加上佢認為美股比港股機會多）。佢係學習MM的一套，特登買MM的書睇，但無盲目照跟，而係融入適合佢自己的方法。據佢所講，佢有幾個watch list，每個大概有百幾二百隻美股（佢自己都承認有點濫），打算出手的有40幾隻。以每隻3-5秒逐隻scan，每日大概scan成800隻美股（唔知有冇咁誇，如果港股，我諗有100隻睇得上眼都好難），加埋有些目標抽出來仔細再研究，每日大概花三小時左右（以炒股搵食唔知算唔算多？）
以美股數目之多，我諗如果有漁夫美股系統，做功課應該可以慳番唔少時間。正如船長所講，美股是非常成熟的市場，最smart與最dumb同在，機會比港股多，但陷阱也同樣多，如果有系統指引，應該會發現多些機會、避開更多陷阱。先在此祝願各漁民喺美股呢個更大的海域大豐收！
講咗咁多唔等使嘢添，睇番港股走勢。舊經濟股急升後回吐，高於50線比率及高於150天線比率都在接近50%時高位勾落，唔知有冇關係，但整體又未算太差，再觀察下先。
回顧過去一周板塊，睇番風中勁草，用行業分類，運輸應該算係較搶眼的板塊，唔少股份過去一周都有雙位數升幅，唔少都同航空有關，包括中銀航空租賃（2588）、中航信（696）、中遠海運（1199）、國航（753）、首都機場（694）。值得一提係11月2日出突破訊號的神州租車（699），我當時梗係唔知點解，今日揭盅喇，原來有韓國基金打算以每股4元私有化！神州租車突破至今已升咗30.38%，你話無春江鴨我打死都唔信，唔知有冇漁友捉到，小弟就無份，慚愧。
另一個較明顯轉強的板塊係地產，其實11月5日之後已經陸續有大市值地產股出突破訊號，今日才出訊號的九倉置業（1997）應算落後。風中勁草中，在11月之前仍保持突破訊號的地產股，最早亦最強的是龍湖（960），其後有九倉（004）、太古地產（1972）及希慎（014）等本港收租股，唔知有冇啟示。
金屬與採礦業的風中勁草亦漸漸增多，較早突破的贛鋒鋰業（1772）較強，其次係鞍鋼（347）。江銅（358）、洛鉬（3993）、中國鋁業（2600）出訊號未有表現，小弟就細細注long call咗江銅期權，睇下有冇機會大大聲。中國宏橋（1378）無訊號，但能量滿滿5格，20日能量65%，反而最強。
軟硬件板塊，一周表現較為個別，TMX一周表現係跌，蛇羮（1337）、舜宇（2382）、金蝶（268）、中國軟件（354）則升，無突破訊號的阜博（3738）升30.38%最勁。講開蛇羮，真係如船長所說被stop hunt，今日即刻彈番8.3%，咁都無咁驚！
工業機械，之前能量最勁的中集（2039）進銳退速，一個星期跌番8.9%。海天（1882）高位反覆，無訊號的金風（2208）同濰柴（2338）一周都有升幅。
家庭耐用品，最早出訊號又keep住5格能量的海爾電器（1169），股價貼住新高，一周升幅6.4%，出訊號至今升幅48.18%。另一隻11月5日出訊號的新秀麗（1910），一個星期兩個裂口升咗37.64%，KL分析咗係挾淡倉所致，漁友慎勿高追。
汽車板塊方面，賣車股呢個星期無咩表現，例如比亞迪（1211）甚至跌6.24%，反而汽車零件股掂過碌蔗，包括德昌（179）、敏實（425）及耐世特（1316）。其中耐世特入咗侵侵禁買名單，唔知影響係點。
今日寫住咁多先。
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00