【漁民系列】漁利投資日記 Day 2 (2020-10-28)

10月27日周二。早一晚美股道指最多插近千點,仲係九一跌市添,但港股無甚反應,全城繼續期待螞蟻(6688)。另外亦有幾隻醫藥股可抽,但經過先聲(2096)破發,氣氛都開始冇咁勇了。
今日登入後,第一件事唔係做功課,而係睇到小弟篇日記放咗在會員文章,開始咗呢個30天的寫作旅程,希望有毅力能夠做到有始有終,呢個亦係我的小小目標。
大市值股,有兩隻出咗訊號,一紅一綠。作為公用股的港燈(2638)出突破訊號,其實唔使點在意,因為佢本身係穩定收息股,波幅好細,較難爆發單邊趨勢出來。睇番往績,如果出「破」買、出「止」賣,近兩年係輸多過贏,所以千祈唔可以一本通書睇到老。
不過,華潤置地(1109)出止蝕訊號,就極之值得尊重,事關整個房地產開發行業芸芸幾十隻股份裏面,華潤置地已經係殘存幾隻仲有突破訊號的內房股之一(200億市值樓上,就得番龍湖、綠城、寶龍),連佢都衰埋,就真係兵敗如山倒。用股市掃描睇房地產開發(子行業),內房股大部分能量都係零格,20日能量計亦係0%佔多,隻隻距離52週高位二三四十個%,哪有一絲牛氣?甚至連為人熟悉的融創(1918)、中國海外(688),其實都處於一年甚至幾年低位,所以小弟揀股時會暫時盡量避開內房唔睇。
有感而發,內房分拆出來、主打「輕資產、可預測、增長穩」的物管股,過去一年備受基金追捧,由舊年起步升,今年3、4月疫情高峰期都繼續高歌猛進,升咗足足一年多,但到今年8月公布半年業績後,至今兩個月鬆啲就跌番大半年升幅,好多都從52週高位回落三四成。最令人中招的是,如以基本分析,物管股的增長係交到貨,普遍都有30-40%增長,股價反而江河日下?小弟就有股友諗住30%增長、十幾倍PE,仲唔係價值投資撈底好機會?結果一買即坐又唔見三成(朋友已非摸頂買入,等跌才買)。
小弟絕對無意貶低價值投資,身邊更有朋友透過價值投資發達,怪只怪弟子功夫淺薄,分析能力半桶水。唔係賣廣告,作為用戶,漁夫系統有個好處,就係有明確止蝕訊號,例如中海物業(2669)在落斜初段7.4元左右已經出咗止賺訊號。逼自己去執行紀律(discipline),是投資路上步向成功不能或缺的條件,小弟亦在努力學習中。
呻完一輪,繼續做功課。撳入大市走勢,各市寬都下跌,但跌幅唔算大,係股價高於50天線比率跌3%比較多啲,暫視作正常整固,等待美國大選結果。
輪到風中勁草喇,今日有位新成員──鞍鋼(347),好似係榜內第一隻鋼鐵股,即係話如成個板塊起動,佢應該係龍頭。睇番走勢,今日大成交企250天線之上收市,走勢唔錯,但睇往績就真係比較差,七蝕三賺,仲要蝕親都十幾%;能量統計,都係近4日先至有3格,其餘時間都係一格為主,暫時睇只係忽然強勢,未能確認升勢,最好等佢企穩250天線之上一段時間。交易警報方面,10月14日發出財務預警,預計溢利下降;但睇真通告內容,第三季淨利潤其實係同比大幅上升177.78%,主要係疫情在內地受控,市場需求及鋼價回升,以及公司採取措施實現降本增效。Check番新聞,中鋼協話鋼價逐月回升,但仍未及舊年水平,即係仲有加價空間,唔通炒鋼鐵股否極泰來?
當頭起無新嘢。
ETF方面,頭幾位A股ETF的能量都減咗一至兩格,要注意。
以小博大,最新出訊號的是國藥(1099),剛收復50天線,但上有150天線及250天線阻力,一條最長的成交密集區在19.1-19.7元水平,我估唔係咁易一次過收復,pass。
今日做完功課。
有一點要澄清一下,小弟只係尋常散戶,唔係Fundman,唔會隻隻買,亦無咁多時間精神管理。我會將有機會的股份放在watching list,只揀走勢妥當的幾隻重點出擊,並且控制注碼,小弟成日夜瞓,最重要係瞓得着覺。

============

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00
wtsapp icon top