喺ETF 市場入面，呢個星期嘅焦點，可以算係以下呢隻社交媒體ETF (Ticker: SOCL)。
現在，此ETF 距離止蝕位尚有一段距離。但一般而言，喺個市唔係咁靚嘅時候，仍然能夠上升嘅板塊，到個市好返之後，升勢很大機會都能夠持續。
而玩ETF，除咗你可以直接買入之外，都可以視之為一份股票嘅watchlist，睇吓喺呢個板塊入面有咩強勢股票。
首先，最大權重股係Facebook (Ticker: FB)。相比起其餘嘅科技巨企，佢嘅走勢已經唔算差。
另外，就係近日升得好靚，即將出業績嘅Twitter (Ticker: TWTR)。
基本上，自3月跌市後，TWTR 嘅走勢就升得好平穩。當然，嚟緊佢會出業績，好業績有機會令佢嘅股價再升一成以上，同樣地，差業績則有機會令股價回跌一成以上，但此股嘅期權開價緊貼，就算股價距離止蝕位稍遠，也可運用Short Put 作部署，一邊收時間值，一邊等低位買入股票。
現時，TWTR 嘅止蝕位係$44.30。
另外，ETF入面，仲有韓國公司 NAVER，香港上市嘅騰訊，以及SNAP 等。整體而言，呢個板塊喺市場上絕對算係強勢，只要環球股市整體市況唔係變得太差，估計SOCL 都仲會有唔錯嘅上升空間。
另外，雖然受制於美股弱勢，但IBUY 嘅走勢都尚算唔錯。網購行業，整體仍有好大嘅發展空間，只要市況唔好變得太差，IBUY 再升嘅機仲仍然係好高。
但的確，近日整體美股嘅走勢，都真係好麻麻。升嘅股票，固然都會有，但比例上真唔多。美股嘅淡勢，可能同大選前嘅不確定性有關。
然而，現在距離美國大選只有不足一個星期時間，暫時，我個人嘅倉位會先忍一忍心，揸多啲Cash，但同時會留意住有邊啲板塊升得好。大選後，如見有機會，就會出擊。