大家好，我係漁利。小弟一介散戶，亦犯過天下男人（同女人）都會犯的錯，包括30幾蚊用豆腐渣價錢買中國人壽（2628）諗住長線投資，又試過炒莊家股輸大錢。股票路行咗咁多年，叫做學識咗兩樣嘢──止蝕止蝕止蝕，同埋趨強股避弱股（及莊家股）。
人貴自知，小弟以前同依家都有好多投資弱點，例如有膽輸無膽贏、唔識揀股亂咁買、FOMO不問價高追等等。最大的問題唔係有缺點，而係連自己都唔知道，所以不能針對性咁改進，重複輪迴犯同樣的錯。後來小弟接觸到船長及漁夫系統，就希望藉住呢個系統，跟住流程由揀板塊、揀個股、睇市寬，以至買入同賣出時機，讓自己練就一套武功，改變自己以前亂打亂撞咁買股票。
最近見好多師兄師姐分享佢哋用漁夫系統的流程，每日15分鐘就搞掂，個個都捉正突破股大賺N倍年費，既羨且妒。小弟求教船長，船長叫小弟試以30日（一個月）為期，以日記形式寫低自己利用漁夫系統的點滴及買賣紀錄，作為檢討自己問題的依據，也好讓各位師兄師姐指點。
————————————————————
Day 1
10月26日周一，重陽節假期。趁港股無市做下功課。
上周五登入後，首先撳入會員首頁，主要大市值股，盈富基金（2800）同中國平安（2318）出咗突破訊號，出現止訊號的則有達利食品（3799）。睇番10月12日中國太保（2601）都出咗突破訊號，依家平保也出突破訊號，同船長所講中港股市較為強勢吻合，按此思路，A股ETF同內險板塊都值得留意，而太保應為內險板塊呢轉的領袖股，記低並觀察下先。
再去股市掃描，睇風中勁草，按突破日排序，上周五除咗平保，仲有一隻突破股美瑞健康（2327）大成交升，但睇番佢所屬的醫療保健板塊呢排弱勢，呢隻美瑞市值得16億；往績方面輸贏各半，跌幅最大89.1%，似乎屬於炒股，可能啱身手敏捷的朋友，但唔係小弟杯茶，skip咗算。
其實上周二都有一隻同A股有關的廣發証券（1776）出咗突破訊號，可能係內地券商股下一輪升勢的領袖股，也放入watching list先。不過如果講求穩陣同可大注，內地券商股同內險股都不如資產配值組合Plan E中的A股ETF，小弟計劃吼位加Plan E，應該會坐得更舒服。
跟住按20日能量計排，「漁民蛇羮」雷蛇（1337）回吐，能量減2格，調整格局，之前無買到，見到個個食蛇羮恨得牙癢癢，吼下有冇機會先。排第10的「即沉板」（1888）不但無沉，仲企喺高位，但升幅已大，唔追。至於強勢的紡織品板塊，申洲（2313）能量無減退，體操王子（2331）則減至2格，可能跟大市整固一下。
再撳去當頭起，頭十位股份好多都係熟口熟面，例如申洲、即沉板、廣發証券等，仲有兩隻係A股ETF，市場資金有咩傾向應該知道咗大概。再睇落去，好多之前的強股如嘉里物流（636）、比亞迪（1211）、創科（669）、信義玻璃（868）等能量都下跌，似乎反映個市有機會調整。再睇ETF表現，頭10位有7隻係A股ETF，能量多數有三四格，兩隻美股ETF能量只得一格。值得留意係有隻亞洲（除日本）ETF（3010）也上榜，似乎資金正留意新興市場。
以小博大，頭兩位係盈富同平保。平保周二（27日）季績，要博或可用Long Call博或末日Call/Put，但當然要留意即月的引伸波幅（IV）已升咗一大截，去到30幾，公布業績後IV會大縮。
撳番入會員首頁，見到「名家給力場」KL分析體育用品股強勢不可擋，即刻抄功課睇睇系統內體育用品板塊。事實上，「紡織品、服裝與奢侈品」呢個板塊都強咗一段時間，龍頭股李寧8月5日已經出咗突破訊號，至今升幅42.99%，早啲買就好啦！但係船長教落唔好高追，睇下呢個強板塊有冇落後股，發現裕元（0551）、安踏（2020）同特步（1368）升幅都唔夠10%，應該算係落後股。估值方面，安踏市盈率達45.27倍，裕元則無顯示市盈率，而特步只有12.42倍，加上KL都曾在節目提點過，所以揀特步作為分析目標。
先睇睇特步往績，10次突破7次跌，最多跌20.2%，最多升11.1%，似乎麻麻地，落後股果然係落後股。咪絕望住，睇走勢卻唔太差，3月見底後橫行逾半年，在2.3元至2.8元形成成交密集區，8月14日出突破訊號，10月12日大成交陽燭，之後高位整固成交縮，唔通做緊VCP形態？Price Relative同大市同步，但OBV處高位，系統止蝕2.69元，相對值博。
不過，如睇特步兩年圖，又唔可以太樂觀，因為4元樓上有個非常沉重的蟹籠區，相信升到4蚊附近就會引來極多「猛蟹出籠」。所以小弟的策略是在2.79元水平買小注，以0.1元作止蝕，博取2.79元至4元這1.21元的升幅，Risk-Reward Ratio（RRR）為0.1:1.21，大約係1:12，應該符合船長成日所講的風險回報比率。
下個禮拜美國大選，大市波幅預期會擴闊，再加上螞蟻（6688）鎖定了大量資金，傳聞馬雲係摸頂集資的高手，阿里當年第一次在香港上市，掛完牌無耐個市就跌到一仆一碌，因此小弟都會謹慎啲。今日寫住咁多先。
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00