歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
下星期二，就係美國大選。在此之前，可能美股都難以會有清晰嘅走勢，暫時我自己嘅策略都係會以揸多啲現金，觀望為主。但觀望嘅咩？就係今日呢篇文章嘅重點。
如果大家有睇一啲美國當地股票分析員嘅訪問，你會聽到佢哋好多都會提及一個字，叫uncertainty，即係不確定性，而大戶投資都就係最唔鍾意呢種不確性，所以亦係點解，大市硬係好似無乜力咁。
至於最大嘅不確定性，就係來自大選。所以，喺大選之前，或者個市都唔會太有力。但我會觀察住，究竟喺大選後，美股會唔會有大升嘅可能。
先睇AAPL。
蘋果，當然係一隻好好嘅股票。雖然，中美關係有啲緊張，而且iPhone 12 又唔算太有新意，但睇見呢款新手機仍能喺中國大賣，我哋其實已可預期蘋果未來嘅業績都唔會太差。不過，又如何？AAPL 嘅股價仲要繼續下跌。
又例如係MSFT，當然都係一隻前景相當唔錯嘅股票，但佢嘅股價基本上由7月到依家，都係升唔起。再加上好多之前升得好靚嘅股票，喺呢幾個星期入面，股價表現都唔係咁好，相反，一啲之前走勢落後嘅股票，就升返上嚟。
呢種市況，有兩個問題。第一，就算揾到啲上升股票，升勢都未必能夠持續。第二，始終上升股票隻數唔多，要買中上升股票嘅機會都會細咗。而我個人嘅慣常做法，就係會等一等，到大市走向變得更清晰後，先再轉返做更進取嘅策略。
但雖然美股走勢唔係咁好，不過只要遠離美國股票的話，亦有一啲其他嘅投資選擇。
美股有一個好處，就係你單止可以投資喺美國嘅企業，就算係喺美國以外嘅企業，你都好容易可以投資得到。例如，以上呢隻iShare Asia 50 ETF (Ticker: AIA)，持股都係亞洲股票，股價仍然仲係高位。
又例如係BABA，走勢都比普遍美國嘅科技大股好。BABA，如果持有，可留意止蝕位$292.61。
不過，整體而言，喺美股大選之前，投資風險都會高一啲。然而，現在距離大選都只只係一個星期時間，若之後市況轉好，可能會係博Long Call 嘅機會。