歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
呢幾日做功課，感覺到個市唔同哂。之前，睇住啲股票名單，就知雖然都有股票上升，但數目並不太多，流入股票嘅資金顯然唔太充足。但過去幾日，大市上升嘅股票多咗好多。所以，今日嘅文章，我可以寫多啲要注意嘅股票，以及部署策略。
首先，由幾隻科技巨技開始寫。
5隻科技巨企，除咗FB 暫時仲係差少少之外，其餘幾隻終於都再有重新起動嘅跡象。AAPL、AMZN、MSFT、GOOG，我建議呢幾日要留意住。如果走勢繼續再上，我會運用Long Call以小博大。
博Long Call，開始時注碼唔使大，只要啲股票能夠大升，將啲利潤連本帶利博上去，回報率將有可能係幾倍，甚至十倍以上。
然後，上星期提過嘅股票同ETF，表現都算係唔錯。
TAN、ICLN，兩隻ETF都繼續上升。留意住佢哋嘅走勢，如果繼續升，就可以繼續揸，但如走勢有變，星期三再同大家跟進。
FVRR，繼續走勢強勁。只係升勢太勁，現價距離止蝕位太遠，暫時未係再加注嘅時機，但揸住股票嘅可以繼續揸。
KNSL、AMED，走勢都好靚，可以繼續睇好。ZTS，如能突破橫行區，都似可以有力再上。
仲有，其實好多股票都好靚。例如，semiconductor 板塊開動，大路選擇係TSM，現價可買，唔跌穿止蝕位$76.17就可以。
KRNT，經營嘅業務係用於服裝嘅數碼打印，呢隻股票不論係中長線以及短期嘅走勢都好靚，止蝕位$62.60，現價可買，唔跌穿位可以繼續揸。
VEEV，可以買入，止蝕位$266.00。
當然都唔少得一眾online retail 股票。網購ETF (Ticker: IBUY)，走勢又再轉強，入面嘅強勢股票，都可以係大家嘅目標。
整體而言，的確明顯個市係多咗好多股票上升，呢樣係好事。而未來幾日，如果市況可以繼續向好，則會加強我對後市看好嘅睇法。
但無論如何，見有咁多股票上升，絕對係好事，總之就順勢而行，見啲股票升，就要繼續揸。如果往後個市係可以行到「牛市最後升浪」，啲強勢股係會升到你唔信。
只要喺入市前set 哂止蝕位，而個市走勢又繼續有力的話，就放膽去博啦。