歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
美國總統特朗普確診肺炎，為本來有好轉跡象嘅美股，又再增添變數。當然，現時投資風險係回高咗，但處理方法都唔係太複雜，有以下兩個重要。
- 第一，暫時控制好注碼，可能持股量大概控制喺約五成資金左右，之後市況愈升得穩，先再愈加貨。
- 第二，仍然都係要買強勢股，避開弱勢股。今日呢篇文章，我會集中同大家講一講有啲咩強弱股票。
首先，最強嘅板槐，我認為仍然係太陽能股或者係潔淨能源板塊。
唔知有啲咩太陽能股好買，之前都教過大家方法，就係揾ETF 嘅名單去睇。
大陽能股，大部份喺過去一個星期得好靚。當然，如果有揸到，賺緊錢嘅朋友，可以繼續揸住啲股票。未揸嘅，可以分段買入，再等待有整固出現後，再買入。
ICLN 同之前嘅太陽能股ETF，其實都會有唔少股票重疊，但走勢同樣強勁，如果想投資分散多少少，可以揀呢隻。
除此之外，都有唔少股票嘅表現係相當強勢，例如係FVRR。
此股嘅走勢好好，惟現時離止蝕位稍遠，未上車嘅朋友或者稍等，但上咗車嘅，只要留意住$125.49，唔跌穿就繼續揸。
另外，喺excel表入面，都有啲股票係值得留意。而當中嘅重點，係一啲反彈得起，升得好嘅股票。
例如係Kinsale Capital (Ticker: KNSL)，止蝕位為$169.30。
Zoetis (Ticker: ZTS)，止蝕位為$156.53。
Freshpet (Ticker: FRPT)，止蝕位為$101.35。
另外，最近我亦留意緊Amedisys (Ticker: AMED)。
呢間公司，賣點係Home Health Care。好似係一啲喺疾病、意外或者手術中康復緊嘅病人，Amedisys 可以提供在家嘅醫療務服，令病人可以減少不必要進出醫院嘅次數，專心在家療養。
呢隻股票長遠嘅升勢都算係好平穩，過去一年升幅達87%，我認為都相當唔錯。短期走勢亦唔差，我值為只要唔跌穿$216.20，就可以繼續持有。
至於一啲科技巨企股，我則認為暫時要避免買入。例如係AAPL、MSFT、AMZN，全部走勢都唔靚。唔知要等幾耐，佢哋嘅走勢先會好返。要買，都要等佢哋有返上升動力先買。