歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=============
現在嘅美股，整體嚟講，一啲都唔算強勢。好多板塊，特別係科技股，仲未有好明顯嘅上升動力。但唯獨有一個板塊，走勢就相當之靚，呢一個就係大陽能/潔淨能源板塊。
要投資太陽能股票，唔可以唔識以下呢隻ETF (Ticker: TAN)。
無論係計過去三個月，過去一個月，又或者係過去一個星期，撇除咗啲槓桿ETF，呢啲ETF 嘅表現都係喺市場上最勁。
TAN 嘅股價，暫時距離止蝕位都有啲距離，有貨當然可以繼續揸，未有貨就可以分段買入，但要睇住止蝕位$54.23，唔跌穿就以可繼續睇好。
而ETF入面嘅股票名單，都值得大家留意。
基本上，呢隻ETF入面嘅最大權重股，好多隻嘅走勢都好靚。但值得留意，個別買入的話，太陽能股嘅股價波幅一般都較大。當然，現得掂嘅話，都無所謂。但如果想穩陣啲，就買ETF。
然後，近日強勢嘅，仲有日本嘅小型股票，Small Cap。
你可能會諗，玩美股，又關日本股票咩事？但美股呢個市場，其中一個最大嘅好處，就係可以讓我哋有機會投資喺環球嘅股票，甚至係股票以外嘅市場。而只要，你識得玩ETF 就可以。
基本上，幾隻日本Small Cap ETF 嘅升勢都好靚，例如係DXJS、SCJ、DFJ等，反映啲股票嘅升勢都相當全面。
但當中，以DFJ嘅成交稍大，較值得大家留意。DFJ，止蝕位為$61.92。但要注意，始終佢哋嘅成交額同一啲熱門股票比較都要細好多，買賣差價會稍濶一啲，買賣嘅時候要睇清楚價格。
另外，ARKG 近日都破頂，止蝕位為$58.13，我覺得都有值博率。
但其餘美股嘅走勢，暫時都仍然未算樂觀，有更多買入機會，將再同大家講。