歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=================
最近，有唔少美股升到癲哂，癲到大家都開始談論呢一刻似唔似係「牛市三期」？呢篇文，都想同大家講吓呢樣嘢。但首先，講少少ETF嘅走勢。
下圖，係羅素2000指數ETF (ticker: IWM) 嘅股價圖，呢個主要係細價股指數。
可以睇到，佢嘅現價其實同2018年開始時嘅水平差唔多。換句話說，喺過去兩年半，呢個指數係無乜點升過。包括喺肺炎疫情出現之前，都已經無乜點升。
再畀大家睇吓隻納指ETF (ticker: QQQ)。
佢嘅股價，根本上係遠遠拋離2018年初嘅水平，同IWM嘅情況，完全唔同。但咁樣代表啲咩呢？
- 美股大股嘅升幅較細股好。
- 美股並非全盤上升，有好多股票嘅升幅係跟唔上大市。
呢一點好重要。如果大家係擔心揀股揀得唔好，會錯過升勢，最穩陣嘅就係買QQQ。只要美股能夠繼續上升，QQQ基本上都肯定能夠上升。
但就唔好博啲細價股指數，因為市場嘅資金，無主力投放喺呢個部份，如果你買咗，有機會係個市升，你都未必會賺到錢。
大方向攪掂咗，事情就易攪。以下，再講一吓一啲強勢ETF。
ARKK，絕對係另一隻穩膽。揸住嘅朋友，記住，盡量要繼續持有，唔好咁易放走。想買貨嘅朋友，就要望實下一次調整反彈嘅機會。
另外，雖然羅素2000 細𠎡股指數表現唔好，但呢隻羅素200 大價股指數ETF (ticker: IWY) 就表現好好。
呢隻ETF，相對於納指，有兩個優勢。第一，AAPL 嘅比重更多。第二，有TSLA。
但除咗科技股外，新能源股ETF 嘅升勢，都好靚。ICLN，絕對值得留意。最理想，當然係可以等調整企穩嘅時候買。但升得咁平穩嘅股票，亦可用「通道」嘅方法買入，如超過5日跟唔上通道升勢就開始減持。
但整體而言，美股都係升科技、升創新、升大股，跟住呢方向去玩，只要美股整體嘅升勢能夠持續，大家賺錢嘅機會應該就會好高。