歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件========
當然，AAPL 同TSLA 仍然升得好靚，但喺過去一個星期，我會見到一啲曾經沉寂咗一段時間嘅股票，再次展現上升動力。今日呢篇文章，除咗同大家跟進返之前介紹過嘅股票同ETF之外，仲會再睇吓有邊啲股票近日再度轉強。
先做跟進。
之前都講過，我個人有買QQQ 同ARKK 兩隻ETF。如果大家都有跟住買，並一直持有的話，回報應該都相當理想。
ETF，相比起個別股票，雖然短期嘅爆發力會爭少少，但好處係，股價走勢會比較穩定，投資難度較低，而且只要揀得啱ETF，並按策略作中長線持有，回報都可以好理想。
QQQ 同ARKK 股價仍然維持上升趨勢，有貨嘅朋友，只要繼續持有就可以，除非跌穿止蝕位，先要離場。
QQQ，止蝕位為$251.32。ARKK，止蝕位為$81.24。
有朋友問，如未買入，可否現價買。當然，最理想係等股價整固後再上先買，但如果真係無貨，想分段買入都未嘗不可惟也要跟從止蝕位。
另外，近日啲信用咭股終於再次起動。點解話「終於」，係因為佢哋真係跑輸咗大市好耐。
先係Visa (ticker: V)。其實佢嘅股價，距離止蝕位$189.44，都唔係太遠。現價，都可以作分段吸納，如其後股價於出現整固後再上，則可以正常注碼買貨。
但比較之下，我更鍾意Mastercard (ticker: MA)。若此股其後可以「上樓梯」，則會係合適買入嘅時機。
EPAM 亦係一隻我好鍾意嘅股票。只係，佢嘅股價一直都唔止調整，所以用樓梯嘅方法，止蝕位好遠。但大家仍然可以用通道嘅方法去買入。
如果隻股票繼續維持喺通道內，或上破通道，都無問題，可一直持有。但如有5日處於通道下，我會先減貨1/3。再過3日，都升唔返上通道，就再減，直至減哂為止。
但EPAM 呢隻股票，喺過去市況轉跌時，表現都能夠保持強勢，呢啲股票，絕對要留意。
最後，都可以留意一吓隻ICE。
呢隻股有一個特點，就係期權嘅引伸波幅較低，一旦股價能夠大升，博Long Call 回報會好勁。
最後，例如係NICE、LULU 等股票都係喺我留意之列，有適當時機買入，會再同大家講。但整體而言，美股走勢仲係好靚，策略主調都係繼續睇好，揸住啲升嘅股票的話，記住要揸得穩，唔好輕易沽走，否則回報就唔會理想。