歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件========
兩隻即將拆細嘅股票，TSLA 以及AAPL，喺過去一個星期，升幅都相當強勁。雖然話，股票拆細，係唔會影響到基本因素，但的確兩隻股票嘅股票，又真係升得好勁。所以你話完全唔關事，又未必真係完全講得通。
兩者股票，相當都可以再趁下次企穩再升嘅機會買入。但如果擔心升幅過急，想分散一下風險，亦可留意QQQ 以及ARKK 兩隻ETF。前者為納指ETF，擁有超過一成嘅AAPL 股票比重，後者則擁有超過一成嘅TSLA 比重，兩隻ETF，雖然上升嘅爆發力不及個股，但升勢卻比較平穩，大家可以因應自己嘅喜好，選擇做邊一方面嘅投資。
QQQ，止蝕位為$251.32。ARKK，止蝕位為$81.24。
NICE 係一間以色列公司，主要提供一啲企業嘅「軟件方案」。無論係中長線嘅股價走勢，以及係短線嘅走勢，都非常之靚。現價，我認為都可以買入，只要睇住止蝕位$213.00，唔睇穿就可以繼續持有。
EPAM，同樣都係屬於軟件板塊，股價走勢都相當不俗。
呢隻股票可以用通道方買入。如股繼續能跟上通道嘅升幅，甚至升得更靚，則可以繼續持有。相反，如本週後期股價下試至$290 或以下，就要先減1/3 持貨，再過幾日，唔升再減。總之，跟住通道做可以。
「40年長升股」DHR，我認為同樣可以買入。呢隻股票，喺過去三個星期，股價一直橫行，但只要能夠突破現階段阻力，股價可望再有比較大嘅升幅，止蝕位為$190.34，買入後如唔跌穿此價，可繼續持有。
LULU，近期走勢都相當不俗，有朋友問可否買入，我認為都可以。買入原因，係博佢可以好似5月嘅時候咁，出現一段較急勁嘅升勢。但現價距離止蝕位$313.62 稍遠，買入要注意此風險。
但總括而言，美股嘅走勢仍然明顯向上，所以唔好無端端走去睇淡。將來，如有轉淡跡象，我會再update大家。