歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件========
今日嘅文章，分三部份。第一，講吓一啲大家比較問得多嘅股票。第二，做少少股票推介。第三，講少少整體市況同部署。
先答一些比較多人問嘅股票。
台積電 (TSM)
有唔少朋友應該會知道，呢隻股票，我喺7月中，當佢嘅股價仲喺70蚊以下嘅時候，我博中咗Long Call，然後喺高位食咗糊，獲利超過6倍，但只此以後，我已再無沾手。原因係，佢已經再畀我睇唔到佢有上升動力。事實上，睇返幅圖，我哋好明顯睇到佢已經超過兩個星期無上升。雖然，走勢暫未算太差，也未跌穿止蝕位，但現階段，我認為並非入市時機。
Tesla (TSLA)
另一隻好多朋友關注嘅股票，走勢事實上同TSM有啲相似嘅地方，但唔同嘅係，佢嘅股票有少許再度上升嘅跡象。此股為女股神Cathie Wood 愛股，有基本因素支持，如業務發展理想，股價仍會有好大上升空間。
然而，雖TSLA 有再度發力嘅勢頭，但呢種走勢並唔易博。
如想風險減低，可以改買ARKK。呢隻ETF，有約一成TSLA股票比重，如TSLA 上升，都能夠某程度受惠。但當然，買ETF 嘅爆發力一定不及個股。
我個人持有ARKK，但對於追求爆發力的投資者，TSLA 都可以博，止蝕位為$1365.00。ARKK嘅止蝕位則為$81.24。
然後，有兩隻之前曾提及過嘅股票，現價可以考慮買入。
第一隻為Floor Décor Holdings (FND)，止蝕位為$65.73。第二隻為Air Products and Chemicals (APD)，止蝕位為$274.56。
最後，講一個市況同部署。
簡單講，美股個市只係一般，差就唔算差，但一定唔係好。從excel 名單中嘅5日股票回報(5D%)，我哋都可以睇到，大升、大跌嘅股票都唔多，以下，我就講一講我個人做嘅策略。
過去呢段時間，我係逐步增持現金，再將啲錢搬去做啲短期Short Put。呢個部署，有兩個好處。首先，既然個市未似大升，收吓時間值可能仲好。其次，下一個升浪，究竟會由邊類股票所帶動，暫時仍未清晰。減少股票，持有多些現金，到時要買入新嘅股票，會較方便。
美股，已有兩個星期左右未有太大動力，後市，我會繼續觀察住市況發展，一有發現，會在facebook 群組通知大家。