【莫家強】每週初步測試 (20200810)

歡迎大家加入新開設「美股研究報告」會員專用 Facebook 群組

https://www.facebook.com/groups/386563215606501/

======附件=======

OP21-2020008010-EXCEL

======附件========

過去一個星期,有唔少推介股票大升,希望大家都有買到。但今日呢篇文章,我想先撥一吓冷水,因為我睇到大市有可能轉弱嘅跡象,雖未完全確認,但我認為已經要提升警覺,以下講原因。

 

  • 新加入名單嘅強勢股票,大部份都無力再升

動力股名單,我會上載至facebook群組。但如果大家有留意開動力股名單,應該會睇到,我哋曾經捉中過唔少爆升股。而最重要關鍵,係呢啲股嘅升勢,能夠展示連續性。即係話,啲股票唔會係升幾日就停完,就算到我哋發現咗佢哋出現升之後再買入,仍然會有錢賺。

 

但係,過去一週,升嘅都係之前一直上升嘅強勢股,但最近新加入名單嘅股票,表現都唔算好好,顯示資金買貨嘅決心未必太大。

 

  • 中美關係趨緊張,後續情況難預測

事實上,不少強勢股票喺於上週四、五兩日,已經出現回落,重災區係互聯網、雲端股票。而中美關係有幾緊張,我諗都唔使我多講,亦都不便多講。特別係大家預計有機會受影響嘅板塊,務必要小心。

 

  • 可留意不受國際關係影響股票

當然,都有唔少呢類股票,但係到呢一刻為止,都並未見到好明確有邊個類別嘅股票跑出。

 

暫時,仍然最強勢嘅,最數到係網購股。IBUY,升勢仍然強勁,惟止蝕位$74.44 跟現價稍遠,未到增持嘅時機,但持貨者應繼續持貨。

 

至於個別受國際關係影響較少嘅股票,可留意一啲同清潔有關嘅股票。

 

Clorox (CLX) 或者大家都有留意,如將來有買入機會,將通知大家。另一隻,喺初步測試名單入面,我留意緊嘅股票,有Cintas (CTAS)。

 

 

睇見圖片佢做嘅業務,我諗大家都知點解,呢隻股票自疫情爆發後會升得咁靚。CTAS 股價剛破頂,進取嘅朋友現價買入,我覺得都會有一定值博率,但當然想穩陣啲,可待止蝕位上移後再入市。

 

但總括而言,我認為現時唔係大舉買貨嘅時候。不過唔使擔心,如果市況好轉,我會喺facebook update 大家即時策略。

 

wtsapp icon top