歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
==============
今日呢篇文章嘅主旨，係叫大家忍手。
呢幅圖，其實已經說明一切。
成個市場，過去3日有動力上升嘅ETF，就只得以上幾隻。再者，好大部份呢啲ETF，都唔係屬於股票類ETF，即係話，成個美股市場係非常沉寂。
呢幾日，有玩台積電嘅朋友，可能好開心。但有兩點大家要明白。第一，台積電係ADR，雖然可以喺美股市場買賣，但嚴格嚟講佢唔係美國股票。第二，其餘股票，個別都有啲能夠上升，但以行業計，就無邊個做得好。
稍好嘅，只有Homebuilders ETF (Ticker: XHB)。講一講佢嘅成份股。
Whirlpool (Ticker: WHL)，主要從事電器業務，香港人對呢個品牌，相信都相當熟識。呢隻股最近有喺動力股名單出現，但距離止蝕價已很遠，暫未到買入時機。
而另一隻走勢更靚嘅股票，係Floor Decor Holdings (Ticker: FND)。
呢間公司，近年營業額不斷增加，如市況繼續平穩，相信股價仍可繼續上升。但問題就呢樣。
美股為何完全表現無力？後市是否會大跌？
呢兩個問題，我仲要啲時間觀察。但以下，我想講我嘅策略部署。
- 暫時，我唔會買太多股票，會保留一定比例現金。
事實上，即使是Homebuilders ETF 以及部份持股走勢不俗，但喺呢個市況中，始終都係覺得啲股票買唔落手。因為，市況淡靜，首先會影響升跌股票比例。少股票升，多股票跌，要揀上升股票嘅難度就會增加。其次，無錢有，啲股票要大升，都唔係咁易。
- 望實一啲走勢尚可嘅股票，嚟緊會爆升定係回落。
好多股票，走勢都未至於好差，只係未有力量上升至矣。但假如一直無力上破，其次唔排除走勢會轉差，呢方面我哋都要有心理準備。
放心，個股市一有起色，我見到，會立刻通知大家。現階段，暫時我又未覺得個市好差，但如果情況不變，我都會逐步開始增加現金水平。升嘅股票當然可以繼續坐，唔升嘅，就慢慢減持。如有突發情況，會再同大家講。