歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件===========
=========附件=============
要了解美股嘅情況，好簡單，先畀大家睇幾張股價圖，再以7月2號作分水嶺，咁成件事就會好清晰。
有一啲之前升得好好嘅股票，喺7月2號之後，走勢明顯減弱。但同時間，亦有唔少喺之前未係升得好靚嘅股票，喺呢日之後開始發力。其中，例如係SAM 同埋TSM，升勢都相當可觀。
先講整體策略部署。
所有股票，大家都可以用7月2號做界線，如果隻股票係之前升得好好，但之後走勢明顯轉跌，呢我建議就應該先行離場。但如果只係橫行，無跌穿位嘅股票，就仲可以睇多陣。不過，點都好，呢啲股票都已經唔太值得我哋花太多時間關注。
真正應該關注嘅，係嗰啲喺7月2日後上升嘅股票。
先講SAM。
呢隻股，其實我自己都走寶。喺初步測試名單，佢嘅排名係不繼爬升，現時已經升到去160位。喺動力股票名單，佢都係其中一隻股票。喺facebook 專頁，我都有提及過，但就因為無適合嘅買入水平，所以未買。
然而，呢隻股，值得大家繼續留意，將來如出現整固後再現升勢，則可以買入。
但好彩地，TSM，上到車，無走失到。
上星期一嘅文章，已提及過TSM，然後藉一個利好消息，週五，佢嘅股價裂口上升。
如果大家知道，TSM，即係台積電，係全球技術水平領先嘅晶片公司。有朋友問，現水平仲可否睇好？
我覺得可以，但有一樣嘢我會留意，就係市場會否繼續「煲」佢嘅相關資料。
有一樣嘢，大家要明白，泡沫形成係唔會無聲無息。正如之前嘅科技股急升勢頭，我哋會見到隨著啲股票愈升，市場對於科技股嘅關注就愈多。無呢啲關注，就唔會有咁多資金流入科技股，咁佢哋嘅股價就唔會升得咁高。
同樣地，究竟TSM未來會否吸引到更多市場關注，係升勢能否持續嘅關鍵。暫時，如果大家留意台灣嘅財經媒體，基本上呢間公司已經成為焦點。不過，喺美國或者喺香港，大家對隻股票嘅談論仲未係好熾熱。若呢隻股票喺其他市場嘅關注度可再升温，吸引更多資金流入，後市短期可能會再有好大嘅上升空間。
值得一提，就算係唔睇好TSM嘅文章，都無問題。通常一啲處於升勢嘅股票，愈多人唔睇好，股價就愈升得勁。我個人持有Long Call倉位，只要隻股肯升，我將會繼續持有。
至LIN、LRCX、APD、KNSL、CDNS、HZNP，幾隻股票嘅走勢都不俗，只要跟返止蝕位，順勢而行就可以。
另外，動力股名單會喺facebook 專頁上分佈，有任何股票有興趣，都歡迎問我。星期三再講。