歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件===========
=========附件===========
美股，整體形勢，唔差，後市繼續睇好。但要小心嘅，主要係一啲之前升勢過急，而上週走勢轉弱嘅科技股。
即係如果你問我：「科技股有無泡沫存在？」我會答你，有。
但泡沫，主要係傷害逆勢而行嘅投資者。即係話，如果你見啲股票由極高位回落，而你仲去撈底嘅話，一旦泡沫爆破，損失可以非常慘重。不過，若然大家係順勢而行，就無咩要擔心。
先從Excel 名單中尋寶。
其中一隻大家經常會問嘅股票，係公用股NEE。早排，喺啲科技股升到癲哂嘅時間，當然市場嘅焦點肯定唔會於喺呢隻股票身上。但其實，NEE喺過去兩個星期，升勢亦不俗。
呢隻股，風險唔會太高，但此刻並非最佳買入位置。想買入嘅朋友，可以先小注吸納，待他日股票出現調整再上，「樓梯級」向上移嘅時候，就可以再加注。
另外，也可留意MSCI。過去兩個月，幾明顯睇到，喺科技股升得最勁嘅時候，好多其他類別之前比較強勢嘅股票，走勢都有所轉弱。然而，最近，當資金又要開始尋找新目標，一啲優質股票亦再次得垂青。
MSCI，現價可買，止蝕位$357.14。
然後，再大家再留意兩個ticker。第一，係醫藥股HZNP。第二，係PTH，呢隻ETF，相信大家都唔會感到陌生。
HZNP，早前走勢反覆，但近日似有力出現突破，有一定風險，但值博率高，現價可博，跌穿過$54.27止蝕。
PTH，走勢更強，止蝕為$123.13，有少許稍遠，但我認為也可先小注買入，然後等出現整固後再上時加注。
再補部份動力股名單，facebook 群組會上載full list。
MRNA，亦係大家好熟識嘅疫苗股，此股有很大嘅上升潛力，但走勢上落好大，只可以講係高風險、高回報之選，可博但要留意注碼。
TSM、LIN、LRCX、APD，四隻我都鍾意，只要跟返止蝕位，順勢而行就可以。其中，APD 想特別講講，呢隻股又係另一隻40年長升嘅股票，暫時距離止蝕位較遠，但到下次股價整固後再上時，我將會部署買入。
總括而言，整體美股走勢仍強。而較明顯轉差嘅，有一眾中概科網股，所以，連帶EMQQ、HERO，我會建議減持，若跌中止賺、止蝕位就應全走。
最後，今日提過PTH，其實仲有唔少ETF嘅走勢都相當靚。星期三再講。