債基價格會否因派息而長期向下? #2104

間唔中有人查詢債基的價格會否長期向下? 你個息只不過由個價派返出黎? 我地用數字睇睇。先講買債基永遠唔好all-in,亦不要槓盡。我地亦數字化計出債基的標準差一般是5%-11%,見下圖更有詳細之價位變動描述。

 

同時債基收息之好處是用港幣美金或外幣如英鎊買都得! 年息10%-16%之操作如下:

50萬hkd投入,不經銀行,借返75萬比你

投入債基年息8%,(50+75)萬投入,一年收息100000

借了萬,利息成本2.5%,一年付息18750

淨賺100000-18750 = 81250

回報為81250/500000 = 16%

 

為解債券基金是否因派息而價位長期向下之質疑,先予一圖描述B餐每月派息版之價格的,由2015年至2020年B餐派息後價位變動,個圖最左邊2015年個價係65個位。5年後2020年都係65個位,唔見因為派息出黎而令個價長跌不下。

明白由於坊間很多人貪方便,用債基累積版個價去研究,自己無心機去儲資料研究派息版的走勢如何。因一句「債基都只不過將息由價派返出黎」就了事。然而數字說明很多事,債基每日個價亦要報返上證監。

 

債基的收入不單只係由債券利息的,債價本身有升跌,好的基金會安排較合理的買賣,令基金隨了收到債息派返比客外,基金都可賺些錢增加派息比客。

 

因此諗sir有收集債基每日數據的習慣,每天將價mark低。筆者常用呢隻B餐,我地下圖用派息版個價之數據同盈富基金利用自家excel做比較,自己有數據係手去分析可睇到更多野。2020年三月高位66.14,之後每個月當然仲有派息,息率不點變,派埋息現時價位(七月)仲可升至62.25,比高位只低6%。

見圖中盈富(2800)相比(藍線),2020年4月派息大減4成至$0.09/股。現時股市都叫暢旺,但盈富個價仍比2月高位29.2低9.8%。還有,美股同港股盈富於2020年2月尾已開始跌,B餐3月9日才開始跌,足足比突10日逃生門你。

 

數字已說明,派埋息既債基,仲要係全債類,3月以來的升幅仲可以靚過盈富。債基個價係咪因派息會長期向下? 你識選就唔會,你比人老點可能會中,好似買中下圖呢隻。當然,佢都比你買中匯豐收息好些少。買中利豐如作收息已GG。

上圖呢隻債基就會長期向下啦。你睇下佢呢5年,開波(發行)10蚊,過2年又9.5,之後9.0橫行,再8.5。2020年應到8.0。呢隻係收息101課諗sir同學生討論過,唔好買。但你自己自入銀行,問親銀行staff佢都比呢隻你。你估下9.5跌到8.5到8.0消失左既價位,基金公司會唔會同銀行對分? 你知唔知行內有個收費叫sailor-v? YES, sailor-moon個friend黎。

 







 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室