歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件==========
==========附件========
上星期講過嘅DOCU、AAPL、MSFT、WST、WING，其實全部表現都唔差。連同其餘ETF，好似係HERO、EMQQ、IBUY，都係升得好靚。
但就係因為升得咁靚，近排都有一啲朋友問：「你覺得美股仲會升多幾耐？」
今日，想主要講一講呢個話題。
- 美股係咪屬於強勢，好睇你用邊一個指數做指標。
如果你用嘅指標係道指，我可以講，美股絕對唔算強。下圖係DIA，即係道指ETF嘅走勢。可以睇到，過去一個月，其實個指數根本升都無升過，唔好話要同肺炎疫情出現前嘅頂位比較，就算同5月尾嗰吓升勢嘅頂去比，都仲有一段距離。
相反，如果你睇嘅係納指，唔單止一早已經升破咗高位，而且之後仍然仲係繼續上升，全無停下嘅跡象。
簡單一個總結。假如你買股係會揀強勢股的話，美股，的確係好強。但若然你係鍾意追落後，買弱勢股，呢個升勢係可以完全唔關你事。
- 唔係美股仲可以升幾耐？而係互聯網、雲端相關嘅發展趨勢，仲可以持續幾耐。
最強勢嘅板塊，基本上都係啲互聯網、雲端、電子相貿股。而喺呢啲股票當中，好多根本都唔係美國公司。例如，SE係新加坡公司，仲有好多升得最勁嘅股票，都係中概股。所以，如果有朋友話係美股升得勁，我覺得呢個講法唔係好正確。真正升得勁嘅，係同互聯網科技有關嘅股票。而呢個趨勢，我覺得仲有排行。
- 揀相關板塊嘅ETF，都係唔錯選擇。
抱歉，最近少講咗excel 列表入面嘅股票。但原因係，個市暫時真係唔係升嗰啲之前最靚嘅股票。將來，如果升返係嗰啲股票，我會將focus放返多啲過去，但暫時，可能用ETF去揀互聯網相關嘅強勢股，會比較實際。
最大路嘅兩隻ETF，係QQQ、XLK。前者係納指ETF，後者則更集中投資於AAPL、MSFT 兩隻股票。
另外，繼續睇好HERO、EMQQ、IBUY。
以下係各ETF嘅止蝕位，唔跌穿就繼續睇好。
QQQ，$237.35；
XLK，$100.31；
HERO，$19.29，離現價稍遠，如有更新會再通知；
EMQQ，$45.85；
IBUY，$68.05。
如有其他股票想我cover，最簡單可以喺facebook 群組內問我，又或者可以電郵至 [email protected] 畀我。星期三再講。