歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件==========
==========附件==========
個人而言，有六隻ETF我最鍾意。
大路嘅，可以買QQQ、XLK。
QQQ，係納指100嘅ETF，最大成份係以下5間公司，蘋果、微軟、阿馬遜、Facebook，以及Google 母公司Alphabet，共佔比超過4成。換句說話，呢5隻股票如果係表現得好，個指數就會表現得好。
XLK，則比較集中於蘋果、微軟，兩隻股票，各自已佔ETF比重約兩成，所以基本上買呢隻ETF，我會形容為你想投資喺蘋果、微軟，但又想分散少少風險，如果呢個正正係你嘅諗法，咁XLK就係好好嘅選擇。
QQQ，止蝕位係$231.47，唔跌穿可以繼續揸。XLK，止蝕位係$97.28，同樣唔跌穿都可以繼續揸。另外，呢兩隻ETF嘅成交量都超大，又有股票期權玩，用嚟做期權策略，會容易好多。
至於要講近日升好靚嘅ETF，當然都包括EMQQ、HERO。
EMQQ，主要投資喺互聯網商貿股票，當中包括有好多喺香港可以買到，或者買唔到嘅中概股，再加上例如係SE、MELI 呢啲喺不同地方嘅強勢股票，我會覺得佢嘅持股真係好靚。
買呢類股票，單一去買，面對嘅波動性會較大，但以ETF分散咗風險，股價走勢就會平穩好多。
至於HERO，受惠於幾隻權重股，例如係SE、NVDA、BILI 嘅強勢，股價都升得靚。唔跌穿止蝕位，可繼續睇好。
最後兩隻係網購ETF，IBUY同CLIX。
網購股又係，單獨買，波動性會大好多，但以ETF 投資，股價走勢會更加平穩。
但值得一提，有隻股票係做二手車買賣業務，我覺得好有潛質，公司叫Carvana，Ticker 係CVNA，止蝕位係$106.14，我未出手，但會吼位買。
最後CLIX，早前由於啲實體零售股回升，影響咗佢嘅表現，但佢嘅股價近日又再破頂。
CLIX 呢隻ETF，就算你唔買，都應該定期睇。佢可以畀到提示我哋，究竟啲強弱勢股，表現如何。
早前，有一段時間，個市升，但CLIX嘅表現落後，某程度係代表緊啲弱勢股有反彈出現。但呢個情況，並無持續太耐。最近，CLIX又再破頂，其實係反映緊強勢股繼續強，弱勢股又再次轉弱，我會形容為個市重新回歸正路，持有強勢股，贏面會更高。
總括而言，如果係揀啱股嘅話，我睇唔到任何要睇淡美股嘅理由。啲強勢股又好，ETF又好，唔跌穿位，就可以繼續睇好。
有問題，歡迎電郵至 [email protected] 或喺facebook 群組問我。星期五再講。