歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
——-
https://www.youtube.com/watch?v=fYxI6DeB8c4
今日，想同大家講吓最近呢個止蝕位策略嘅應用。
- 呢個策略，只適用於喺上升趨勢嘅股票之上。
點樣睇上升趨勢？其實用肉眼睇，都大概已經睇得到。如上圖，明顯呢個趨勢叫做「大漲小回」，即升嘅時候升多多，跌嘅時候跌少少，呢類股票，會容易贏錢好多。相反，揀啲無升勢，甚至喺跌勢嘅股票，賺錢就會變得困難。
- 要做到贏間廠、輸粒糖
買入位好重要。最理想嘅情況，係隻股票喺從一啲小調整之中恢復過嚟，升至第二或第三支陽燭，然後買入價距離止蝕位又少於15%嘅時候，我認為就係買入嘅時機。
- 順勢時要敢長線持有股票
總之，隻股一直升，我哋就要一直揸。有啲朋友，係會有啲好奇怪嘅念頭，就係揸住嗰隻股票明明升緊，但係就不自覺地會感到不安，而去走貨。但當諗清楚，升嘅股票，其實有咩好驚先。只要到佢跌嘅時候，你識走咪得囉。
希望以上嘅分享，會幫到大家喺揀到一啲上升股票時，會容易啲賺到理想嘅回報。下星期再講。