歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件==========
=========附件==========
星期一，如果美國嗰邊唔係救市，或者美股真係會大跌落去。
但我睇市就係好簡單，既然佢肯救，而個市又升得返，咁後市我認為就無必要再驚。只係，有啲股票轉弱咗，就轉走佢，然後買返一啲強勢既股票。如果嚟緊嘅升勢，又可以再行多兩、三個月，甚至更長時間，咁我哋嘅回報就可以賺得相當唔錯。
但首先，大家可以先睇吓仍能穩上升嘅ETF名單。
從數目上睇，少咗好多，不過呢一點係非常正常，只要嚟緊個市嘅走勢能夠繼持回穩，名單上嘅ETF數目就會再度增加。
而其中，XLK 我個人持有，呢隻會係大家投資科技股嘅最正路選擇。
然而，雖然話呢隻係科技ETF，但佢揸最多嘅係蘋果同微軟兩隻股票，各佔比重約20%，即合共已佔去總比重四成。如果大家都鍾意呢兩隻股票，呢隻ETF可以買，而最近跌市反彈後，止蝕位上移咗，新嘅位置係$97.28，唔跌穿可以繼續揸。
另外，我仲留意緊隻HERO，等緊位買。
呢隻ETF，啲股好靚，最大成份股有最近升到癲嘅SE，以及早兩日開live嗰陣，有朋友介紹過嘅中國版youtube BILI。
ETF嘅股價又升得靚，啲持股又啱心水，現時我只係等一個更理想嘅水平出手去買。我買嘅時候，再喺facebook 群組update大家，但呢隻真係值得留意。
最後，我唔知大家仲有無買盈富基金。如果有的話，我想介紹一隻我認為可以完勝盈富基金嘅ETF畀你，呢隻係EEM。
EEM嘅持股，除咗有騰訊、中移動、平安、建行，仲有恒指現時無，但將來想有嘅阿里巴巴、美團、京東等股票，仲要再加埋例如台積電同Samsung，我會認為成份比恒指好好多。
當然，呢隻ETF嘅長線比現，都優於恒指，而且仲有兩個好處。
- 佢嘅成交量極大，期權開價好靚，同埋有weekly期權玩。
- 最低入場費係一股，以昨日收市價$39.53計，最單位只要$308港，我哋個買賣時靈活性會大好多。
- 期權每張係100股，即如果你用Short Put接貨，每張都只係要$30000左右，同一張香港嘅小型恒指期權，size 只係8份1，特別係對於初學期權嘅朋友，你要實習操作，用呢隻ETF會好好多。
我成日都話，就算係玩港股，只要你細心留意，可能喺美股市場入面都會有更好嘅選擇。當然，假如你係短炒嘅話，因為時區問題，都係玩返港股啦。但如果你係諗住長揸盈富基金，又或者係想月供盈富基金嚟賺錢，其實EEM，我認為真係完勝。
最後，有問題可以電郵至 [email protected] 畀我，或喺Facebook 群組留言。星期五再講。