移動平均線 三個簡易選股技巧
Metastock 係好好用，但我知道，好多朋友都未必會有metastock，咁如果想分析股票，可以點樣做呢？
今日，教大家三個好簡單嘅移動平均線揀股方法。
第一個方法，只買長期處於250天線以上嘅股票。嗰啲大部份時間喺250天線以下嘅股票，就唔好買。
第二個方法，係用嚟博反彈用。擺條50天線落去，首先，要隻股票嘅股價最少喺3個月時間都無跌過落條50天線度，完全唔沾線，然後吼住反彈出現，就可以博，並以調整低位作止蝕。
第三個方法，係用嚟set 止賺、止蝕位。其實，移動平均線都係一個畀大家用嚟做止賺、止蝕嘅其中一個好好用嘅指標，但首要條件，係股價要喺哂啲平均線以上。
20天線，可以用嚟睇短期走勢有無轉弱。50天線，睇中期走勢。250天線，睇長期走勢。
希望以上嘅分享會幫到大家。下星期一再講。