【莫家強】美股研究報告:ETF一週評論 (20200520)

先講一講整個大市嘅情況。

 

過去一個月,好多強勢股都升得好好,特別係醫療、雲端、網購三個行業,唔少股票嘅升幅都相當驚人。

 

當然,對於揸中股票嘅朋友嚟講,係好事。但近期,亦有唔少朋友問,如果未買貨,可否加注。

 

而經過我睇完哂個市嘅情況,我會覺得整體而言,呢一刻並非入市嘅時機。咁幾時係?我會認為要等一個整固出現,再上嘅時候,先係。

 

而今日,因為由於好多ETF都未係買入時機,所以,我想轉一轉方向,集中講捕捉買入時機嘅方法。

 

第一隻,先講Invesco DWA Healthcare Momentum ETF,ticker係PTH。

 

呢隻ETF,係4月29日嘅文章,我曾經介紹過。我鍾意嘅原因,係由於好多入面嘅持股,都係好有潛力上升嘅股票。然後,當日我畀嘅建議係,等佢回調而上先買。

 

以下再畀幅股價圖大家睇。

 

 

4月29日,即係紅色箭咀嘅日子,當時未建議買,係因為止蝕位太遠,如果隻ETF繼續跌勢未止,你又無一個合適可用嘅離場位置,風險就會好高。

 

然後,到隻股票跌完,如第二日出現反彈,咁個止蝕位就會更新。

 

或者你會問,應該邊日買?

 

但我認為,重點唔係早一日,定遲一日買,而係:

  • 佢嘅走勢會否明顯已較之前轉強?
  • 現價距離止蝕位,是否合適?

 

普遍用於個股,我會認為現價距離止蝕位距離,如果介乎5%至15%之間,都屬合適。但由於ETF嘅波幅稍低,我會建議將上限降至10%,效果會更好。

 

用於PTH,其實現價買入都未必不可,但如短期內佢能夠見底回升,止蝕位上調,兼再有上升動力,我認為會更理想。

 

至於另一隻Amplify Online Retail ETF (IBUY),現價明顯地距離止蝕位太遠,我會等有較深回調出現,然後股價企穩再上,先會考慮買入。

 

但要再提一提大家,買賣ETF,切忌只參考該ETF嘅圖表,亦要細心研究當中持股。

 

再講整體市況,三大板塊,醫療、網購、雲端,我仍然會繼續睇好。此等行業內嘅強勢ETF,都可等待調整再上嘅時候買入,並以調整時低位作止蝕位。但似乎,市場有其他板塊嘅股票亦開始有轉強跡象,惟現時仍要些時間去確認,恕今日未有太多新嘅推介。

 

待走勢變得更明確,我再update大家其他投資機會。

 

有任何問題,亦可電郵至 [email protected]

 

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top