【崢嶸語錄】潘家榮一週短評 (2017/03/26)

20160314-個人照6A

    3月24日 16:05 · 啱啱今個星期上堂先講基本分析有佢既盲點,其中一個就係,就算你熟讀曬公司好幾年既業績,研究曬佢應該值幾錢,好有信心現價非常超值,但係你肯唔肯定成盤數係咪一定啱?又係咪無啲奇怪野出現? (唔好以為我係話基本分析唔好,技術分析就好,技術分析一樣有佢既盲點…..第日有機會再分享) 今日6863就即刻成為教材,單睇啲大行報告,佢地俾既目標價都係個幾兩蚊,但係今日即刻傳個大股東挪用30億投資房地產,而且又懷疑做假,佢地又點會諗到咁?所以如果淨係對住啲Report,唔信個市場,對啲估值太過認真的話,就會好易中招。 另一樣野,我成日都講,喺底既股票唔代表安全,當個市升曬上黎,而隻股票一直都升唔起,一定有佢既原因,你見隻6823一直都係喺2.8至3蚊橫行,升又升唔起,而家一跌就跌九成喇,如果一般散戶諗住坐嚇先唔止蝕,希望坐返家鄉的話,咁就即刻損失慘重喇。 要點樣避開呢啲股? 好簡單,就係永遠買強勢股,而唔係貪平撈啲喺底、差既股票,再加上嚴守止蝕,就唔會發生呢啲事喇。 #潘家榮【講座2017/04】打開散戶致勝之路│KP10 新人優先留位,舊生亦可參加,以課程總監回覆為準 時 間:2017-04-22(六) 17:00-18:30(全一課) 地 址:尖沙咀金巴利道35號-金巴利中心13樓03室 地 圖:https://goo.gl/maps/iJZXtRAhcEp 報 名:bit.ly/2ffhxkZ *必須填寫「1名稱」「2電話」「3電郵」「4課程編號=KP10」   3月24日 15:35 · 【#股海崢嶸】#潘家榮:升市不用太過興奮 跌市亦不用太過恐慌 (2017/03/24) http://homebloggerhk.com/68904/ 每次大市由高位稍為跌多少少,就會吸引一班淡友出來,大鑼大鼓說大市升勢已完,預計要向下跌幾多,所以早前他們叫大家不要追貨是絕對正確的。 這種一路升一路估頂的做法,對最後總有一次會估中,但是這樣做除了可以在當時認一認叻之外,實際意義其實不大,因為在之前的升市可能已經估錯了很多次頂,明明可以好好坐一個升浪,自己卻浪費一大堆精神在估頂身上,那又何必呢?…..     3月22日 15:36 一朝早叫大家「升又唔駛太過興奮,跌亦唔駛太過恐慌」,並唔係因為我非常睇好,而叫大家點跌都唔駛理。 我一向都話定策略係好重要,當個市一郁,無論係升又好定係跌都好,我地唔應該跌左落黎先至問點算,而係喺普通既日子,都已經預備定一旦跌既時候要點樣做,當你喺最清醒既時候已經諗好曬,就唔會喺跌左落黎既時候先至驚,唔知點算好。…..     3月21日 15:38 · 有朋友尋日叫我講下1357美圖,呢隻股份最近成為好多人既焦點,唔係因為佢地突然覺得美圖秀秀好好玩,而係因為佢喺11個交易日入面升左超過八成,而尋日更加一度單日升三成,可以話係股民近期既神話。 要研究返點解佢會咁升法,其實都唔需要點解釋,主要係本身公眾持股量只係得13.58%,再用多一兩個月收嚇貨,要貨源歸邊一啲都唔難,跟手就好易炒上去。 莊家股既野,雖然唔係我杯茶,不過都可以簡單講嚇。⋯⋯     3月21日 13:00 · 【股海崢嶸】潘家榮:齋睇指標逆市造淡錯失機會 (2017/03/21) homebloggerhk.com/68722/ 大市繼續上升,期指轉眼間已到達24,500的水平,創2015年中股災後的新高。在剛剛過去的週末,筆者翻開報章雜誌,發現有不少人對現時升市的睇法仍然相當謹慎,有說國指營造雙頂,亦有話恆指出現RSI頂背馳,並不相信升市可以延續。⋯⋯ 更多     3月20日 […]

Read more

【股海崢嶸】潘家榮:輝山乳業頓成是日教材 (2017/03/24)

20160314-個人照5

  24/3/2017 15:20     啱啱今個星期上堂先講基本分析有佢既盲點,其中一個就係,就算你熟讀曬公司好幾年既業績,研究曬佢應該值幾錢,好有信心現價非常超值,但係你肯唔肯定成盤數係咪一定啱?又係咪無啲奇怪野出現?     (唔好以為我係話基本分析唔好,技術分析就好,技術分析一樣有佢既盲點…..第日有機會再分享)     今日 輝山乳業 (6863) 就即刻成為教材,單睇啲大行報告,佢地俾既目標價都係個幾兩蚊,但係今日即刻傳個大股東挪用30億投資房地產,而且又懷疑造假,佢地又點會諗到咁?所以如果淨係對住啲Report,唔信個市場,對啲估值太過認真的話,就會好易中招。     另一樣野,我成日都講,喺底既股票唔代表安全,當個市升曬上黎,而隻股票一直都升唔起,一定有佢既原因,你見隻6823一直都係喺2.8至3蚊橫行,升又升唔起,而家一跌就跌九成喇,如果一般散戶諗住坐嚇先唔止蝕,希望坐返家鄉的話,咁就即刻損失慘重喇。     要點樣避開呢啲股? 好簡單,就係永遠買強勢股,而唔係貪平撈啲喺底、差既股票,再加上嚴守止蝕,就唔會發生呢啲事喇。  

Read more

【股海崢嶸】潘家榮:升市不用太過興奮 跌市亦不用太過恐慌 (2017/03/24)

20160314-個人照6A

      每次大市由高位稍為跌多少少,就會吸引一班淡友出來,大鑼大鼓說大市升勢已完,預計要向下跌幾多,所以早前他們叫大家不要追貨是絕對正確的。   這種一路升一路估頂的做法,對最後總有一次會估中,但是這樣做除了可以在當時認一認叻之外,實際意義其實不大,因為在之前的升市可能已經估錯了很多次頂,明明可以好好坐一個升浪,自己卻浪費一大堆精神在估頂身上,那又何必呢?   股市不會無止境地升,但要睇淡,都要等大勢轉了向才好做,估頂估得太早只會令自己陷入困境。現時好淡分界線在24000,而指數一日仍在此水平之上,說見頂似乎言之尚早。   前天美股突然急跌,港股一開便裂口下跌近三百點,相信不少揸齊貨的投資者當日都會非常擔心,所以筆者特意在fb寫了一句: 「升市不用太過興奮,跌市亦不用太過恐慌」,派一派定心丸。   寫下這一句,並不是因為我是超級大好友,盲目地看升,就算跌市都叫大家不用理,而是希望大家可以平常心面對,因為股市操作最忌太受市場氣氛和情緒所影響,若然一見市升得好就貪心,嫌自己買得不夠多而瘋狂地找股票買,稍為跌多一點,又嫌自己太多貨,害怕自己買了個頂,這樣不斷在貪婪與恐懼之間浮游,只會越炒越衰。   所以,無論升又好、跌又好,都應該以平常心來應市,先問一問自己有沒有定好策略,若然所有股票都一早定好止蝕/止賺位,跌穿便沽貨,不跌穿便繼續坐,只要做好準備,就算遇上任何風浪都可以安然渡過,而不是見跌市才問應該怎麼辦。   潘家榮 元大證券(香港)經紀業務部營業總監    

Read more

【股海崢嶸】潘家榮大市短評 (2017/03/22)

20160314-個人照6A

一朝早叫大家「升又唔駛太過興奮,跌亦唔駛太過恐慌」,並唔係因為我非常睇好,而叫大家點跌都唔駛理。 我一向都話定策略係好重要,當個市一郁,無論係升又好定係跌都好,我地唔應該跌左落黎先至問點算,而係喺普通既日子,都已經預備定一旦跌既時候要點樣做,當你喺最清醒既時候已經諗好曬,就唔會喺跌左落黎既時候先至驚,唔知點算好。 早幾日,當個市升緊上黎,好多人嬴錢就心熊,升就嫌自己買得少,係咁問可唔可以加註,但係當個市一跌,就嫌自己揸得多,好似呢隻又唔係幾得,果隻又唔係好掂咁,結果不斷喺貪婪與恐懼之間轉黎轉好,只有俾個市玩。 跌市唔係唔理,而係只要定好曬風險管理,下面有曬止賺位,再跌都只係比而家跌多少少走既,其實又唔需要自己嚇自己喺度驚。 跟進返啲個股,如果佢地跌穿以下既位,我先會減注,否則仲係繼續坐: 27 37.9 323 2.85 460 2.64 546 4.9 700 209.2 1114 12.14 3339 2.29 另外,如果臨收市前期指低過24290的話,隻牛仔會走返。 筆者為證監會持牌人,其全權委託帳戶的客戶持有銀娛(27)、馬鋼(323)、四環(460)、阜豐(546)、華晨(1114)、中國龍工(3339)。    

Read more

【股海崢嶸】潘家榮大市短評 (2017/03/21)

20160314-個人照3

有朋友尋日叫我講下1357美圖,呢隻股份最近成為好多人既焦點,唔係因為佢地突然覺得美圖秀秀好好玩,而係因為佢喺11個交易日入面升左超過八成,而尋日更加一度單日升三成,可以話係股民近期既神話。 要研究返點解佢會咁升法,其實都唔需要點解釋,主要係本身公眾持股量只係得13.58%,再用多一兩個月收嚇貨,要貨源歸邊一啲都唔難,跟手就好易炒上去。 莊家股既野,雖然唔係我杯茶,不過都可以簡單講嚇。 當佢股價上升既時侯,要參與其實唔係唔得,不過我一直都好強調風險管理既重要性,唔好見人地好炒,就乜都唔理衝入去,入之前有無諗定睇錯會點,咩位止蝕先?如果止蝕近既,而你又希望佢升好多幫你賺大錢既,何樂而不為?但係如果止蝕好遠,而你只求搏賺佢十格八格既,點睇都好唔着數,通常咁樣玩得既,都係喺市場成日輸錢,咁又何必貪心呢? 好喇,當你喺低位買左,跟住佢股價繼續升,你又唔需要諗住定喺邊個位食餬,因為通常呢啲咁癲既股票,你定到目標而又到既,都係你定得太低而好快hit 中,之後越升越有跟住你又會後悔,繼而上到去天價先再追返。又或者你心頭太高,個目標價永遠都到唔到,都係無意思。呢啲股應該係由得佢flow,跟住睇實佢由高位跌返幾多%就走,就以1357為例,佢2月曾經試過由高位調整8%就升返,所以再加少少buffer,可以定由高位跌10%就食餬,就係咁,可以一路坐上去,直至尋日佢升過上去23.05,之後計返10%,跌穿20.7就走喇。 咁而家又點睇? 唔好玩啦,尋日先升3成再倒跌返1成,成交額有成38億,而家又有19億,即係已經有6成既公眾持股量轉左手,你唔係諗住走去接刀嘛? 記住,永遠都唔好接跌落黎既刀!

Read more

【股海崢嶸】潘家榮:齋睇指標逆市造淡錯失機會 (2017/03/21)

20160314-個人照6A

大市繼續上升,期指轉眼間已到達24,500的水平,創2015年中股災後的新高。在剛剛過去的週末,筆者翻開報章雜誌,發現有不少人對現時升市的睇法仍然相當謹慎,有說國指營造雙頂,亦有話恆指出現RSI頂背馳,並不相信升市可以延續。   無論雙頂又好、三頂又好,只要一升破便不再算是甚麼,而RSI頂背馳也不算是甚麼,因為可以不只是兩頂背馳,就算三頂背馳、四頂背馳亦照升可也,誰會預計得到要去到第幾個頂背馳才見頂呢?如果股市一路升,但你卻不斷找藉口來逆市睇淡,這樣只會令自己錯失很多機會,倒不如相信市場的走勢隨風而行,只要指數仍企於24,000之上,升勢依然是安全的。   今個星期正值藍籌派發成績表的高峰期,單是未來三日公佈業績的18隻藍籌股,便佔了恆指比重接近四成,只要普遍業績對辦,隨時又會帶動大市再往上衝,當中最受大眾注視的必然是 騰訊(700) 的業績。   圖:aastock 還記得筆者在上年10月,當騰訊(700)跌穿213後,說它不再是一隻強勢股,建議大家沽出並且不要胡亂撈貨,總算避開了長達三個月的跌浪,當時最低連180元亦曾跌穿,本來還以為它從此神話不再,可是騰訊果然是騰訊,自12月底便重拾升勢,而且最近還再創新高。   若問我對它最新的看法,事實經歷了過去三個月的升勢,跟據我的選股準則,它又再一次重返強勢股的行列,只要定好止蝕位在209.2,其實可以買回。可能你會覺得高過沽出價才追會很蝕底,但事實並非如此,這三個月若持有其他強勢股,就如筆者12月分析過的吉利(175),升幅又豈止騰訊的26%呢?   潘家榮 元大證券(香港)經紀業務部營業總監//筆者為證監會持牌人,並未持有以上股票    

Read more

【股海崢嶸】潘家榮大市短評 (2017/03/20)

20160314-個人照6A

  20/3/2017 15:00 有人話張枱要有好多文件夾、紙張先叫做勤力做野…… 又有好多人覺得每日都搵到好多野炒,不斷喺市場出出入入先至係勁……     其實我大部份時間都唔駛點落盤做買賣…… 投資無分hea 定唔hea,嬴錢咪得囉…… 個市又同預期既走勢一樣,股又揀得啱,除左坐定定之外仲有咩好做?     Work Smart 重要~~~ Invest Smart 更加重要~~~     不斷爬格仔炒黎炒去,唔代表真係賺到錢 P.S. 日日寫邊有咁多野寫,有無題目想我講?     https://www.facebook.com/kevinpoonsir/

Read more

【股海崢嶸】潘家榮大市短評 (2017/03/16)

20160314-個人照5

努力寫稿中,所以又係好簡短咁寫Point Form,寫下大市睇法:   1) 呢排一直都話啲強勢股做得唔錯,要散水絕對唔係咁樣,所以叫大家唔好睇得太淡   2) 經過一輪汰弱留強,手上應該都係最靚既股票,定好止賺位就由得佢繼續坐   3) 個市一口氣升左三百幾點上黎,一來重上好淡分界線之上,二來KSI都轉返好,可以全面睇好,調整應該已經完結   4) 收市前我會買返牛仔,期指收低過23900就止蝕,都只係用二百幾點黎搏  

Read more

【股海崢嶸】潘家榮大市短評 (2017/03/15)

20160314-個人照6A

  究竟一年要捉中幾多隻好股票,先至可以幫你賺大錢? 1隻?5隻?10隻定係50隻? 咁係咪代表越搵得多股票炒,贏錢既機會就越大呢? 絕對唔係。     要喺股市賺大錢,其實只要買中一隻好靚既股王就已經夠,80/90年代好多人靠買匯豐發達,之後又有思捷、港交所、中人壽、銀娛、騰訊等等,你諗下如果你喺佢地不斷升既時候,你揸住一隻夠膽坐的話,要嬴大錢真係一啲都唔難,仲邊駛不斷問冧把,炒黎炒去,結果都係得個吉。     好多人好鍾意拎冧把,呢隻又買啲,果隻又買啲,希望是但捉中一隻升得勁既就好喇,但係咁樣係咪真係賺到錢呢?你諗下,就當一個一百萬戶口,你呢隻又買啲,果隻又買啲,買夠50隻股票,每隻買兩萬,就算俾你捉中一隻升一倍,甚至兩倍,又如何?咪就係賺多幾萬蚊,幫你成個股票倉升到幾個%,但係如果呢隻升,其他股唔郁甚至跌,一來一回可能都只係得返個吉,所以好多散戶不斷咁炒黎炒去,炒左好多年,結果都係賺唔到錢,輸多嬴少,除左滿足佢地手痕,間唔中可以認下叻,呢隻升又有,果隻升又有之外,其實真係無乜幫助。     所以,股票真係唔需要多,最緊要係你要識揀最好果幾隻,之後再透過策略點樣坐上去,買中股王之餘仲要越儲越大注。     你睇完呢篇文章,可能最多都係按下個Like,跟住轉個頭又係問呢隻買唔買得,果隻搏反彈好唔好。當然,如果你本身係短炒高手,一直以黎咁樣幫你賺到好多錢既,你絕對唔需要理我講咩,請用返你自己一直賺錢既方法。     但係如果你用左而家既形式,炒左好多年都係賺唔到錢的話,係咪時候要諗下,再咁樣炒落去炒多十年廿年,結果都係會一樣呢?係咪時候應該俾自己一個轉變呢?  

Read more

【股海崢嶸】潘家榮:貪平撈弱勢股隨時中招 (2017/03/14)

20160314-個人照5

      自從恆指由二月下旬調整至今,整體跌幅並不算多,暫時最多都只是跌過七百多點,而經過昨天 (12/3) 的反彈,跌幅已經大為收窄至只有四百多點,或大約2%。根據統計,在香港二千多隻股票當中,大約只有三成的股票現價較2月23日(即恆指前浪頂)高,其餘七成的股票都要錄得跌幅,所以理論上在這段時間內,投資者揸股票輸錢的機會遠較賺錢的高。   若然不幸地手上揸著的是石油相關股份,跌幅更可達一成,遠遠跑輸大市。相反,若然手上揸著的是一堆汽車股、內房股,可能還有一成的升幅。只是相差12個交易日,當你揸著不同的股票,這樣一來一回,隨時投資回報可以相差兩成,所以我一直都強調揀股的重要性。   究竟前者和後者的分別是甚麼?我們怎樣可以避開越跌越有的前者,而揀中走勢亮麗的後者?其實很簡單,關鍵就是我們要懂得揀選強勢股,而不是貪平買一浪低於一浪的弱勢股。   就以石油股為例,當2月23日恆指仍在破頂時,中海油(883) 卻不斷尋底,及後其餘石油股亦很快跌穿2月8日的重要支持位,資金急不及待要沽出此板塊,代表市場並不看好它們,若然你貪平撈底,便很容易中招。相反,若然望一望內房、汽車等強勢版塊,大部份股票一直都保持一浪高於一浪,就算大市回調,它們的股價仍然可守着上一浪的低位,而當指數稍微反彈時,它們已急不及待破頂,代表受資金所追捧。所以,若然我們只買這些市場所揀選的強勢股,而避開那些弱勢股,勝算自然大很多。     潘家榮 元大證券(香港)經紀業務部營業總監 筆者為證監會持牌人,並未持有上述股票      

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。