【潘家榮】大市有見底feel

本來之前都仲諗個市會唔會唔夠恐慌,驚要整多個急跌先至得,但係睇返早幾日既情形,叫人買貨所承受壓力之大,就知道大眾係傾埋去睇淡一邊,應該隨時見底,而尋日就算貿易戰加碼,絕對有條件再跌,但係個市已經唔肯再穿底,而且恒指一開已經係全日最低位,之後逐步將跌幅收窄,雖然指數都仲要跌三百幾,但係揸住既強勢股反而唔係幾跌,成個倉持平,到今日無任何消息既情況下,睇住啲股不斷出買入訊號,一升就升得好快,好有見底feel。   基本個倉加吓加吓,已經去到五成,比原先諗住既速度仲快,如果尾市仲係喺28450之上既,我會再加多少少貨,去到六成。個股訊號不斷出,而家最大既挑戰係要識得忍手,唔想不斷咁買,咁樣好易買到爆晒。其餘既,等到期指企得穩28800以上,先至再加喇。   P.S. 報左名今晚講座既朋友,今晚見,由於真係好爆,最好早少少到

Read more

【潘家榮】等期指企返28800之上先算

傳媒大肆報導12點01分,美國就會開徵關稅,但係件事果左咁多日,成個市場都預期晒,要做野都唔會等12點先做野,所以放完lunch返到黎,個市都抽升過一浸上去,不過與其見升就追,倒不如忍一忍,等期指真係企得返喺28800之上先算,事實上又唔係相差太遠,唔爭在啦。 而家基本上倉入面只係淨返半注波鞋同埋一注逆向ETF(逆向ETF係之前五月大單邊出signal時買,suppose升穿31544止蝕,但都未升穿,所以仲喺度),股票倉位一成都無,再加埋逆向ETF,實際上係微淡。 講真,去到呢啲水平先至跌穿位既股票,即係尋日既345同埋1317,其實一啲都唔弱,我自己都麻麻地想沽,”仍”住會走錯,但係既然定左策略跌穿位要走,就無理由怕走錯就唔理,萬一真係跌落去點算?策略本身就係防止我地犯下大錯,所以千祈唔好怕蝕底,寧願等轉返好先買返。

Read more

【潘家榮】持倉只係三成

正如尋日所講,個市尾市彈返上黎,反而仲衰,即係個市仲係未夠恐慌,所以我對於尋日尾市既反彈有所保留,結果今日又跌返晒,呢一刻暫時都係唔好估底住,點都等個市真係有恐慌先。而家手頭上連埋尋日買既奶,都只係淨返3隻股票再加一隻逆向ETF,持倉只係三成,暫時無乜野好做,等個股跌穿位先至再減過。 明天節目預告: 13:00 – 14:00 ATV 贏家Online 15:00 – 16:00 ViuTV 智富通 *明天3點鐘市評暫停,我會喺電視同大家跟進市況

Read more

【潘家榮】暫時唔好亂咁搏

今朝講到,好想今日超大成交,好多朋友都話想知點解。其實我都喺唔同節目成日都講,跌市大成交並唔係一件壞事,點樣先可以做到成交,就係有人沽,亦都有人買,坊間好多人都講跌市大成交即係沽壓好大,代表股市仲有排跌,其實呢個係一個好錯既謬誤。 沽壓好大,掉返轉去諗,亦都有好大既買盤去接,咁究竟係咩人沽,咩人買?當個市跌到低位,先出現大成交,某程度上有一定既恐慌出現,而好多時都係啲上面無走貨,而家開始驚既朋友走黎沽貨,咁你諗吓呢一班係較強定係較弱既一班喇,而究竟係咩人接左佢地既貨喇?所以好多時,喺高位出現大成交就見頂,低位出現大成交就見底。 如果今日係由頭跌到落尾既,跌千幾點,再配合大成交,會係好事,但係而家午市又彈返上黎,咁又唔係好恐慌,所以我會有保留。咁既情況的話,都係唔好亂咁搏,反正而家同條好淡分界線,都只係相差四百幾啫。 而家唔係完全無野做,係時候留意吓有無咩股票,呢排唔係幾跌,而又好快升返上黎既股票,突然間又好想回憶返兒時最愛,都係佢始終至真。

Read more

【潘家榮】新好淡分界線28800(以期指計)

環繞周邊股民,普遍彌漫住一片無心機、失意既情緒,成日都會聽到「唉,呢啲市唔識玩」、「Cash is King」,當市況質埋晒一邊,係一件好事,証明大家都對個市灰心,再加上大行又話熊市、傳媒又舖天蓋地講咩技術性熊市等等,我從來都未見過一個熊市,係咁多人可以預早咁多提醒大家,所以我點都唔會企喺話係熊市果邊喇,不過你話見底未?就似乎未,雖然而家市場氣氛都幾悲觀,但係見到好多有貨既朋友,雖然對住啲蟹貨都幾心嗡,但係叫佢地止蝕,好多都係唔肯,所以個市未夠恐慌,黎緊似要蘊釀住一個恐慌既急跌,先至收到科。 以上我所講既野,純粹只係觀察,當然實際操作都係要跟返策略去做。點都好,新既好淡分界線喺28800(以期指計),上得返去先至講。 都係果句,嚴守止蝕。好多人覺得唔沽就唔輸,等股價坐返上去,但係你真係咁肯定,你喺最恐慌既時候可以忍到手唔沽?如果唔得的話,就唔好俾自己有機會承受更大既損失。就算走錯左,都唔緊要,而家距離好淡分界線,都只不過係700點唧。

Read more

【潘家榮】恒指上返29000之上企穩 先好諗買野

等兩日就係要兩日,等兩日並唔係叫大家星期四就可以買野,而係要俾多啲時間我地睇吓,個市係咪真係可以繼續升,定係只係曇花一現。尋日係威係勢做個V型反彈,好似非常有力,好彩我一向都唔會好受情緒所影響而衝左入去,如果唔係就會中招,所以大家有時見到個市郁,都唔需要反應太快,寧願留返啲空間俾自己冷靜一吓,往往有好大幫助。 呢一刻就算等到聽日,都唔會有任何買貨既行動,最緊要忍得手,唔好越跌越買。過得到呢浸,第日市轉好時先有能力去攻,但係你如果一路跌又唔肯止蝕,仲係咁買貨,坐埋成堆蟹貨,就算之後個市見底回升,都未必關你事(你肯定你揸果啲股一定會升?),所以無論你咩睇法都好,跟返一個唔會令你有機會大輸既策略去做啦。 呢一刻唔好估底喇,真係見到恒指上返29000之上企穩,先至好諗買野。而家忍吓手先啦,啲股票記得嚴守止蝕呀,跌穿上星期低位減半,跌穿5月尾低位走晒,暫時只剩低四成貨。  

Read more

【潘家榮】等多兩日待新好淡分界線出場

今日V型反彈,係有見底既條件,但係要知道市場成日都好多假動作,就好似上年11月咁,果個回調浪入面都有好幾次V型反彈,如果我地見V型就即刻衝入去,就會好容易中招,所以我寧願等多兩日,畢竟今日除左有個V型反彈,好似幾好之外,其實真係無任何訊號話睇好喎。所以,等多兩日,正正就係等新果條好淡分界線出黎,再睇吓可唔可以企返喺佢之上,又或者用照X鏡照一照啲股票,睇吓係咪真係有強勢股有買入訊號先至再諗,呢一刻仲係睇住個股啲止賺止蝕位做野。 1317今朝喺個市最危急既時候穿過位,但轉頭升返晒上黎,而家睇多陣先,又或者可以減半,再跌穿先至再走。 筆者為證監會持牌人,其全權委託帳戶的客戶持有楓葉教育(1317)

Read more

【潘家榮】大市存隱憂 不應亂撈底

個市跌到無眼睇,都係果句,喺30600好淡分界線之下,大市係有隱憂,我地唔應該亂咁撈底,更加要睇住啲止賺止蝕位去做。 上個星期,啲強勢股都仲算ok,但係去到今日,都已經頂唔住,而且今日單日跌幅都多。有鑑於有好多股現價距離5月尾低位都仲有好大段距離,為左安全起見,我會將第一條防線放喺上星期二附近既低位,跌穿先減一半,其餘用5月尾低位減。 所以之前隻波鞋股1368特步,跌穿左5.27,都係減返一半先。1317楓葉教育就睇住13.32做野。 筆者為證監會持牌人,其全權委託帳戶的客戶持有楓葉教育(1317), 特步國際(1368)

Read more

【潘家榮】等市況好轉 市場處安全先再攻

尋日指數終於跌穿250天線,好多人聽坊間講,呢條係牛熊分界線,跌穿左好似好大件事,咁事實上係咪又真係咁驚呢? 我做左少少統計,唔同人對牛市熊市有唔同既定義,所以我唔用呢兩個term黎界定啲年份,淨係好簡單咁,睇恒指開始上返250天線行一個長線升浪起計,至真係行一個漫長而又喺250天線之下既跌市,睇下中間有幾多次假跌穿(震倉)250天線 注意:(1) 最後大跌市那次跌穿250天線不計 (2) 在短時間內不斷在250天線附近上上落落,仍只計一次 結果如圖中所見,跌穿250天線並唔係咩一回事,過去喺長線升浪入面,都會至少有一次跌一跌落去,之後又再上,而今次正正係2016年開始既升浪入面,第一次跌穿250天線。 當然,過去唔一定代表將來。無論如何,都要等市況好轉,市場話俾我地知已經喺返安全水平先好再攻。

Read more

【潘家榮】市況未有轉好 勿掉以輕心

正如尋日所講,唔好見反彈就即刻衝入去,個市況未有轉好,千析唔好掉以輕心,結果今日又跌返晒落黎,雖然而家距離250天線相當近,但係唔好聽啲人講落到去咩事搏反彈果啲喇,股票市場應該係睇大趨勢,而唔係不斷去搏啲小反彈。 頭先有朋友問某隻股票已經跌左好多,買唔買得?我無直接答佢話「掂都唔好掂」,但係我問返佢過去咁多次見隻股跌得多,想去撈底,係咪多數都輸,而且坐埋一堆蟹貨呢?我唔係要針對任何一個人,而係好多散戶投資者都總會有呢個mindset,覺得跌得多,就貪平想買,但係往往呢個mindset既朋友,通常都係喺股票市場輸多贏少,點解?好多人有個謬誤,就係覺得之前股價見個咩位,就係一個合理價,而家跌左落黎就係超值。但係你有無諗過,之前見過果個位都未必係一個合理價,而就算現價跌左咁多,都仲係好貴?股價跌落黎,必定有佢既原因,可能質素較差、有你唔知既壞消息,如果間公司咁好,又點會跌到落去咁低既位比你買?如果你習慣左見跌得多就撈底,就係不斷買緊啲差既公司,咁長遠一定係輸多贏少。 如果本身用開既方法都係賺唔到錢,點解仲要繼續呢? 投資一間公司,緊係要揀一間好公司;買股票,緊係要買強勢股。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室