【期權教室】莫家強日記 (2017/04/20)

PhotoAlexMok-0

大家睇路。 ( 亞強話:每逢秋官出場,香港都出現「自我完成」的意識形態!)  

Read more

【期權教室】莫家強期權教室 (2017/04/20)

PhotoAlexMok-0

  少少update。     今日升市,騰訊固然有功勞,但其他股其實都唔差,最低限度上升股票數目係多過下跌股票。做咗Short Put既朋友,享受住先,唔使咁急做其他嘢住。     Long Put,唔係呢一刻做,係要等個市既氣氛好轉,引伸波幅回跌既時候先做。  

Read more

【期權短評】莫家強期權短評 (2017/04/20)

PhotoAlexMok-0

    【 #期權短評】 今早不在office,長話短說。 1) 本地傳媒又好,外國傳媒又好,對北韓事件既報導篇幅減少咗好多; 2) 好多時候唔係消息影響股市,反而係市況決定消息。只要個市一升,新聞就好大機會好寫地緣局勢緩和之類既嘢; 3) 都係果句,呢個莊好鍾意陰散戶。好多次都係,當大家好擔心,覺得後市會跌,佢就升俾你睇。相反,當大家好樂觀,覺得會牛市重臨,個市就跌。大家諗返之前幾個月發生既嘢就會明白; 4) 不過,就算個市反彈,對於港股,大家都唔好有太大期望。升到高少少位,我就會係搵位造淡; 5) 高位造淡既唯一擔心,係美股牛市未完。當然,港股一直都跟唔上美股既升勢,但假如美股真係升得好勁呢?呢樣嘢,聽日再講。  

Read more

【期權短評】莫家強期權短評 (2017/04/19)

PhotoAlexMok-0

    【 #期權短評】 當指數「第一次」跌至50天移動平均線,我通常都會博一次反彈。但係只此一次,而且係做哂準備咁去博。所以,我噚日講,未識得點做好風險管理既朋友唔好隨便跟。   再講多少少我既諗法。   放假既時候,有啲朋友send 咗啲資料俾我,最主要係有關戰爭同恐襲對股市既影響。我估有啲朋友都睇過,簡單黎講,結論係呢類事件對股市既負面影響並唔明顯。再者,美、韓股市都無事,今次中、港股市既跌市,好明顯主要唔係同北韓局勢有關。   反而,有朋友喺留言都提及過,最近內地開始嚴打市場操縱行為,應該先係導致跌市既主因。如果係咁,個市短期內固然會跌,但就唔值得我哋過分恐慌。   我之前一直都無好倉喺手,去到呢啲位,我覺得加啲Short Put都無妨。不過,呢個都要視乎大家自己既倉位而定。如果之前高位入到成手貨,呢一刻就唔好加註。有問題可以個別再搵我。   最後,都係果句,做Short Put最重要係要識得處理風險。如果唔係,估錯市唔識補救就會好危險。    

Read more

【期權短評】莫家強期權短評 (2017/04/18)

PhotoAlexMok-0

    【 #期權短評】 首先,俾大家一個建議,就係唔好估市住。呢一刻,出面既消息亂七八糟。   今朝都有朋友問:「港股點解會跌?」   因為北韓而跌?人哋南韓股市都仲升緊。內地經濟出問題?噚日先出完數據,首季經濟按年增長6.9%,好過預期。咁港股點解仲跌?   今次既奇怪之處,就係乜消息都無。大家睇完啲新聞就會明白,好多都會避咗唔寫點解會跌。有少量會為寫而寫,話係因為北韓局勢緊張,但理由都非常牽強。呢啲新聞睇得多,有害無益。   做得投資,一定要有耐性。既然個市難估,就唔好估住,等市況變得明朗一啲先再估。   唔估市,策略上有兩樣嘢可以做。第一,係暫時靠邊站,睇定啲再行動。第二,係適量利用有時間值賺既策略,賺住期權金先。我自己今朝都有加少少Short Put,但大家一定識得處理風險先要跟。聽日再講。  

Read more

【期權教室】莫家強期權教室 (2017/04/14)

PhotoAlexMok-0

  有朋友問有關北韓件事點睇,既然講開,所以放埋上FB同大家做少少update。   先此聲明,我一啲都唔係地縁政局既專家。但純粹用common sense去諗,如果件事係同北韓有關,有一個國家點都一定走唔甩。果個係南韓。   今日,我地放假,但南韓照樣有開市。KOSPI指數跌0.64%,唔算係大跌。睇埋幅圖都無乜特別。所以我估件事都未必會好似有啲報導講到咁嚴重。有錯請指正。   希望無事。   我地港股下星期二先復市,但美股星期一已經開返,情況如何到時會變得更加明朗。有需要既話再同大家講策略可以點做。  

Read more

【期權教室│視頻】莫家強大市分析 (2017/04/13)

_201603190

start time : 08:40 開始

Read more

【期權短評 】莫家強期權短評 (2017/04/13)

PhotoAlexMok-0

  【 #期權短評】 首先,今個月舊生分享會改咗去4月22日(星期六),下午5點,同學可以上網報名。今次,我會講「合成期權」。啲理論如果大家自己睇書,應該會覺得好悶、好深,我希望靠上堂令大家會容易啲明白。呢樣嘢唔可以唔識,對「轉角市」既操作同走位策略都好重要。另外,我仲會教一啲有關合成期權既招數。   至於個市,昨日一挾,今日低位再有支持,短期內大跌既機會減低。而且引伸波幅上升,期權金增加,Short Put都變返好做少少,所以我都趁機加咗啲。   加完Short Put,有時間值賺,變咗我哋暫時都唔使太理會個市既升跌,等假期後返黎再算。   有朋友問行使價揀幾遠?我鍾意做到超價外。呢一刻,期指期權勉強可以做到有3000點buffer,跟埋上堂教過既風險管理守則,風險唔會太高。   至於國指期權,我成日都講會危險啲,但潛在回報都會高啲。詳細做法唔喺FB講喇,要做再個別打俾我。  

Read more

【期權教室】莫家強期權教室 (2017/04/12)

PhotoAlexMok-0

  有朋友問,可唔可以講多少少點解睇淡個市?好。 今日,恆指跌得唔多,但大家可以睇嚇附圖既右上角,接近下午兩點,但大市成交得387億,好少。另外,上升股票567隻,下跌股票826隻,跌既股票明顯多過升。 兩樣嘢都好明顯指出一件事,就係成個股市根本就係無錢。 有朋友可能會覺得呢個係因為復活節假期影響,但我可以話俾大家聽,呢樣嘢唔係今日先開始,大市成交減少同埋下跌股票隻數增加既勢頭,兩個星期前已經有。 經過多年黎行錯既路,港股對外資既吸引力已大不如前,要升,就一定要靠中資。但係中資有一個特性,係話黎就黎,話走就走,比較神經刀。 如果以上講既情況有變,我都會睇返好個市,到時再update大家。  

Read more

【期權短評】莫家強期權短評 (2017/04/12)

PhotoAlexMok-0

  【 #期權短評】 引伸波幅升返,大家可以見到低位期權既期權金都多返好多,可以「考慮」做Short Put。 5月21000點Short Put,有接近3000點buffer,假設用27點沽,唔計使費每張可以賺$1350,都唔算太算差。 不過,強調「考慮」兩個字,係因為呢一刻仲未算係好理想既情況。上過堂,識得點控制風險,可以試做。需要建議,再個別打電話俾我。 但係如果唔識得處理風險,個市一跌就會好難攪,小心。 始終大家睇到現時港股既走勢麻麻,後市的確有再跌既可能。識得玩,又夠運,呢個可以係賺大錢既機會。相反用錯策略,會好易輸。 上個星期上堂講過,我最希望既情況係5月可以博到個市跌,賺一舊大錢。之後啲引伸波幅一定會升,再做Short Put,行使價應該可以做到18000點左右,贏面會大好多。然後,今年就肯定會大豐收。 大家可以當我發白日夢。但呢個夢既實現機會,我主觀地覺得愈黎愈大。 市況方面,暫時我仲係睇跌。不過,恆指23600-23700點水平可能頂到嚇,如果真係跌到,睇埋支持力度再決定策略使唔使變。到時再update大家。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。