【 莫家強 】期權短評 – 到達決戰時刻

    今日,想集中update一下恒指下跌通道既情況。 現時,通道頂位大概處於28000點左右,並以每日約24點既速度下跌。換句話說,一個月會跌約500點。 呢個情況,有啲決戰既意味。 恒指,若能夠企穩再上,大概兩個星期後,就能夠徹底擺脫下跌通道,整體走勢亦會變得靚仔好多。 而我諗大家都有留意到,最近多咗好多大行開始話睇返好新興市場,以及話中資股跌幅已過大,有長線投資價值。 暫時,已有部份資金開始重回港股,但好明顯,以此刻既成交估算,肯定有好多大戶只係口講睇好,但未係真正大舉入市。 咁幾時先會大舉入市? 投資市場,永遠都係瘦田無人耕,耕開就有人爭。只要整體港股可以突破下跌通道,走勢改善,就會吸引到更多資金流入股市。到時,就係我哋博Long Call既機會。 留意住呢啲signal,一有機會就跟策略做啦。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 成交縮減 大市有穩憂

美國再對中國貨品加徵關稅,但純粹以今早恒指既反應去睇,表現其實唔算太差。只不過,大市成交再有回落跡象,今日整日成交預料只會有7百多億,呢種情況下,港股好難大升。 短期恒指既走勢可能仍會以窄幅上落為主。通道高低大概係28100點同26300點,近高位可試造淡,近低位可試博反彈,直至市況有明顯轉變為止,到時再update大家。 另外,近月期權既引伸波幅都有少少回升,我自己都開始用啲贏面高既期權策略收時間值,例如係SPH。但記住,要做好風險管理。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。       風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 有人睇好 有人睇淡 兩邊答哂

  有朋友問可唔可以做Long Call,亦有朋友問可唔可以做Long Put。呢個post,我想幫大家攪清楚個市既情況,之後相信大家會更清楚應該點做。 1) 午後恒指已經跌穿8月16日低位26871點。有跟開FB既朋友應該會知,我成日都講,近年恒指走勢非常陰濕,試過好多次係一穿底就反彈。今次,我估會出現反彈既機會大概有6至7成。最理想可以升到28200點。但博唔博,大家自己考慮。 2) 博唔到,恒指有可能要下試25000點以下。所以,博都好,一定要用有限風險既方法。 3) 就算有反彈,個市都可以陰濕到一個點,係聽日一早再跌多一下先見底。大膽既朋友,可以今日收市前博。唔擔心走失機會,可以聽朝吼低先博。有反彈就坐過夜,無就收市前止蝕。 4) 恒指已經跌到區間底。之前做咗淡倉既朋友,較穩陣既做法其實開始食糊。 5) 如果睇個市會再次崩潰,不妨將賺返嚟既錢既一部份,買入即月25600 Put。9月尾前個市唔大跌,最多輸170點左右。但大跌,回報可以係幾倍以上。記住,又要風險低,又要潛在回報高,玩法係細注高槓桿。 係呀,個市去到待變位,老套講句,真係升跌都有可能。但無論睇好、睇淡,最重要既係唔好俾自己輸大錢。 下星期就會知個區間底可唔可以守得住,到時走勢就會明朗好多。 等講座再同大家分享多啲我對個市既睇法。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 內銀帶動升勢

今日早少少出post。 之前講過,內地對內銀股既股價有好大掌控力。成個市咁多股票,未必托得掂,但如果只係托內銀股既話,難度唔高。而內銀,係佔兩個指數比重最大既板塊,即係話,內地係港股指數既升跌,其實都有幾大既話語權。 睇個別股票對恒指既貢獻點數,大家就會明白我講咩。 短期看升睇法不變。大市成交今日有機會再次突破一千億元,另一重點,係睇下有無機會出到大陽燭。如果出到,後市可以再睇好少少。 另外,先排跌市,大市成交keep住低。呢種情況下,高位阻力唔會太大。如果成交繼續充足,要上試30000點其實都唔係無可以。 盤路我會繼續睇實,有特別情況再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 現水平支持力不大

所以噚日都話,唔好買貨住。個市好陰濕,成日都係升到個勢好靚就調頭回跌。識睇圖,就會容易避到呢啲陷阱,會著數好多,長遠會慳好多錢。 今日買得未?睇你噚日做咗啲咩啦。 有位朋友,真係噚日高位走咗大量貨,咁今日話想買返啲貨,咪買囉。但如果大家喺高位無走過貨,我就覺得後市會再跌既機會比較大,撈貨要等下先。 另外,之前講過,我睇緊啲賭股。未出手,但如果再跌,我覺得會係買貨既機會。少少貼士,隨咗睇股價之外,可以睇埋啲期權既引伸波幅。吼住啲Short Put,啱價就可以做。呢種跌法,唔係氣數已盡既跌法,只不過,要揾個啱位同用啱方法先好入貨。 恒指,現水平支持力度未必太大,如無好消息扭轉跌勢,可能要下試30700點水平左右。到時,如果真係跌到,睇埋盤路再update大家點做。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 留意Credit Bear Spread

改以用賺時間值既方法,最主要既原因,係對短期既市況睇唔通。既然睇唔通,就用啲唔使睇市就賺到錢既方法,咁玩,反而可以減少企錯邊既機會。 賺時間值,重點係要賺得安全,風險管理要做得好,咁長玩就自然會贏。呢個唔會係賺得最多錢既方法,但我覺得總好過輸錢。 至於收時間值既策略,大家可以上網睇下Credit Bear Spread。呢個玩法,風險有限,兼隨著日子過去會有時間值收,幾好做。只要睇啱啲阻力位同時機嚟做,贏面都唔差。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 低成交市況易受操控

睇住呢幅日線圖,我真係想問一句:「大戶,你想點呀?」 升,又係無成交;跌,又係無成交。升高幾百點又跌返落嚟,跌低幾百點又升返上嚟,不斷重重覆覆。呢啲pattern,根本就係趕客。我真係寧願個市可以跌完落去,重新做返上嚟,咁反而仲好。 就咁睇,今日個市好似幾差,但其實去到兩點鐘市場成交都只係得628億,沽貨量一啲都唔大。細成交既市最易受操控,話唔定下個星期恒指又做多次華麗轉身,重上30700點。 呢啲市,短期既走勢真係無得估。 講少少題外話。港交所主席史美倫本月會訪京會見不同「對口」單位。從佢最近同傳媒既講話,感覺上佢係比較踏實,同更加清楚今時今日香港股市既位置。 例如有關CDR,佢唔會再話「中港兩地股市不會構成競爭」呢種說話,而係確實表明競爭會增加,香港不可能阻止內地市場發展,可以做既只有提升本身既優勢。我對佢任港交所主席,有的期望。 短期既港股,應該唔會有太大轉機。但今年稍後時間,我相信會有分別。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 大市阻力難升破,除非

1) 星期一,恒指大升527點,但成交只有936億。 2) 相反,今早恒指跌185點,半日成交就有594億,全日成交有機會重上1000億元。 3) 升市成交少,跌市成交多,過去兩個月經常出現呢種情況。 4) 半日,上升股票562隻,下跌股票841隻。下跌股票明顯較多。 5) 呢一刻,又有少少托大股、沽細股既跡象。一日半日當然無問題,但如果一直都係咁,就要小心。(圖為國企指數之市場熱圖。) 6) 港股全無資金流入跡象。之前講過既恒指30900點阻力,要上破、企穩,更加困難。除非,有理由要夾硬挾指數。 7) 2007年,金融海嘯前一年,大戶肯定已經知道有一啲不能解決既問題存在。果年,恒生指數係先大升上至32000點,然後再大跌。 8) 小米之前話年尾先嚟,但突然又提前咁多嚟上市,原因為何? 9) 另一樣要留意既係,喺不久既將來,會唔會有好多企業借股市抽水?如果有,大家對後市就要更加小心。 下星期四(5月9號)有舊生聚會,同學可以上網報名。我估到時市況會變得明朗好多,會同大家分享應該點做期權部署,博嚟緊有機會出現既大方向。 另外,下星期二初哥聚會,有興趣既朋友亦可到網上報名。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 吼高位Long Put

有朋友問:「個市好似好返,可唔可以買貨?」 若以單日表現去睇,今日,其實港股都已經算係相當唔錯。最記碼上升股票都有八百幾隻,明顯多過下跌股票數目,而有個別板塊如內房股、水泥股等等,亦升得幾好。但如果因為咁就再次睇好個市,我會有少少保留。 先睇日線圖,其實今日既升市,對恒指整個中長線走勢,根本無太大影響。 之前一直都話,恒指喺升至30900點之前,阻力唔算太大。因此,今早承接內地股市上升,港股跟升係好自然既事。但係,再睇返大市成交並唔算太多,反映資金未有積極流入股市,呢種情況下,大市好難可以突破高位阻力,假如沽壓增加,指數隨時又會調頭向下。 反而,我自己會吼住高位造淡。近排啲引伸波幅已經唔少,策略上Long Put會係唔錯既選擇。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【 莫家強 】期權短評 – 不確定性

  呢個市,我覺得大家一定要小心。而最大既問題,係市場成日講既「不確定性」。 中興(0763)事件,我唔敢睇得太過簡單。當然,美國如果肯收手,件事就可以解決。但相反,假如件事繼續向壞既方向發展,變成上堂講過既「連續劇」,嚴重性就難以評估。 而呢啲不確定性,未必會即時令到個市變好差,但肯定會減低資金入市既意欲。今朝早大市成交只有485億,無記錯應該係近月新低,都反映到呢點。 更何況,上星期都講過,港股如果唔大跌,暫時都好難向上突破。所以,暫時我都會盡量揸多啲cash,等市況明朗少少再算。 或者,抽下新股,賺錢可能仲易。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室