【莫家强】今天市评 (2017.12.11)

分享多少少我对个市既睇法。 要买既股票已经买返。加埋啲期权策略,可以令买货既成本价一直降低,坐货会坐货舒服好多,而且将来既回报都会更高。我预计,下年恒指高位有机会去到34000点,甚至更高。我自已呢一刻做既嘢,就系睇住呢个目标做部署。 另外,有一个重点,系股票要识得拣。上个星期四,大市第一日回稳,收市有边啲股票有得升,有边啲股票无得升,如果大家知道既话,会对拣股有好大帮助。通常跌市回稳后,市场第一注资金买入既股票,里面会有好多宝藏。 但同时间,亦要小心一啲之前强势,股价升到好高,但呢一浪有走势转弱迹象既股票。内房股有唔少股票都有呢个现象。吉利(0175)都有少少,要再观察。玩过期权既朋友,就知期权可以帮到好多手。但拣股票,都唔可以拣得太错。 至于大市,暂时大方向都系睇升,但如果恒指再升多几百点,我应该会揾位食下糊。 重申:并未持有以上提及股票权益。 风险声明:笔者为证监会持牌人。以上内容并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。

Read more

【莫家强】期权短评 – 先守后攻

  个市呢个情况,我都唔敢掉以轻心,我自己既仓位,今日都加咗少少对冲,成本大慨几千蚊。如果到1月尾,个市都仲可以企稳,我啲20400 Short Put基本上已经可以食糊,呢几千蚊输得抵。相反,个市真系大跌落去,今日已经做定保护,效果会好好多。   唔讲Short Put,揸股票既话,只要唔系借钱买,我觉得应该继续揸。因为,就算系个市出现急跌,买正股起码有险可守。如果只股仲有期权可以玩,我哋会有方法将成本价一直降低,识得策略既话,我觉得唔怕坐。   至于方向,暂时睇仲系好乱,后市升跌都有可能,我要多少少时间先可以下定论。所以,短期策略只有被动啲,以减低风险为主。等方向变得明朗会再update大家。   风险声明:笔者为证监会持牌人。以上内容并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。

Read more

【莫家强】期权短评 – 以Short Put减低买货成本

    大市,整体走势已经好转,但大家要预期短期上落仍会较大。买货,系可以既,但重点系要坐得稳。 昨日讲过,如果我系大户,我会有两个考量。首先,可以的话,我唔会想啲股价再跌得太低,俾止咗蚀既人咁易买返货。其次,系我会尽量震走一啲入咗市既投资者,等将来升市出现时,少啲人参与。 港股短线会好chok,但中长线升势未完,明年仲会有一个高位,恒指应该最少会升至32000点以上。而现时我既着眼点,系点样可以喺一个理想既位置入货,坐到出年。之前高位走咗货,已经令我哋确立咗一定既优势。如果依家我哋可以再利用Short Put,能以更低成本价买入股票,将来坐货就可以坐得更稳,赚既钱都会更多。 我自己现时既策略,都系以Short Put加持股为主,用Short Put既时间值收入令买货成本价一直降低。详细做法,迟啲讲座会讲多啲。 至于拣股,大股之中,睇盘路,短期可能以平保(2318)较好。至于腾讯(0700),长远都唔会有问题,有朋友喺低位做定Short Put先接货,我都觉得系唔错既方法。 利申:并无持有以上股票。 风险声明:笔者为证监会持牌人。以上内容并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。

Read more

【莫家强】吼位买货

今朝低位,差三百几点就到调整第一目标28500点,高位走哂货既朋友,呢一刻可以睇定位,开始买返股票。目标,系上个星期大户点显揽实唔想放既股票。想成本价再买得低啲,可以利用期权策略去做。 如果之前高位够果断,真系沽清哂货,我觉得都可以开始偷步买货。睇上星期个势,个市表面上好差,但暗地里有转强迹象。28500点可能真系未必到。不过,最重要,系你要有能力守到嚟紧大市既波动。用一啲坐得稳既策略,系呢一刻入市既重点。 但假如大家高位无走过股票,仲系成手货,依家绝对唔系加注既时候。 今朝早,其实已经合符咗可以博反弹既条件。其中一样,系市场气氛够哂悲观。当然,10点半后出现既市评,你会睇到都系偏向乐观,但10点前系另一个世界。你睇啲报纸即市新闻标题,窑既人,用既字眼,好明显系好担心个市会再跌。呢样嘢,会增加捞底既赢面。 高位走咗货,今朝买返,呢啲朋友心态会好强,我唔担心。但如果高位无走到货,今日再嚟加注,就要小心。我系大户,我都唔会俾你咁容易坐到啲货上去,我会想办法chok到你头晕。大家要有心理准备,个市短期内仲会有几大波动。但大方向已经转升。用埋Short Put啦,夹住股市嚟做,坐仓会容易同舒服好多。 (风险声明:笔者为证监会持牌人。以上内容并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。)

Read more

【莫家强】谈港股、沙地亚美

纯粹个人睇法。阿里巴巴、京东、百度都系内地好好既股票,喺美国上市,近年啲股价升到飞起。有人会觉得佢哋无嚟香港,有啲可惜,但同几位朋友倾过,大家都认为咁反而仲好,喺美国上市,长揸感觉上会安心啲。反正,就算无美股户口,香港都已经有ETF可以投资到呢啲股票,将来选择仲肯定会更多,我个人觉得无乜所谓。但当然,如果之前呢几只股票都拣咗嚟香港上市,入埋恒指,今日恒指都应该已经喺40000点以上。 之前讲既同股不同权问题,或者系佢哋唔拣香港上市既原因,又或者只系下台阶,唔敢肯定。但可以睇得出,港交所唔系太有能力揾到啲顶级内地企业嚟港上市。 但仲有一只沙地亚美,李小加好想佢嚟上市,因为真系好大单生意。现时,市传佢最少值2个trillion美金。1个trillion即系1万亿。两个trillion美元,即系接近16万亿港元,大慨系腾讯既4倍市值。虽然沙地亚美只系谂住拎5%既股票嚟上市,但都值8000万亿。相比阅文,集资额未到100亿,分别好大。就算阅文冻资5200亿,摆落沙地亚美,都会叫未获足额认购。如果香港个市唔够旺,佢哋一定唔会拣香港。 佢嚟唔嚟上市,系关乎好多关连人仕既利益。所以我个人觉得,沙地亚美未落实上市之前,会有唔少人唔想港股个市冧住。 不过大跌唔会,小跌就好难讲。恒指30000点,如果你唔系借孖展,正常买股票,我唔会阻你。但我自己就肯定系减货,转做其他更大赢面既方法。市况,开始睇到啲嘢,听日开市之后讲多啲。但真系我见市场既投资气氛有啲过分高涨,小心啲。           ( 风险声明:笔者为证监会持牌人。以上内容纯属分享并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。以上分享并不代表本网站、笔者或其雇主之意见、立场、推荐、陈述、诱使、支持或安排,亦非任何投资建议或劝诱。读者务请运用个人独立思考能力自行作出任何投资决定。)  

Read more

【莫家强】[期权短评] 有啲股票,大户买紧

  有朋友问,股皇出完业绩,虽然个价升咗,但点解啲价外Call 仲要跌价。 其实好简单,可以咁理解。例如12月410 Call,价格反映既就系12月结算时,只股既股价有几大机会升到,甚至升过410蚊。愈大机会升过,价格就会愈高。 出咗业绩,表面上系优于预期,但昨日已讲,市场只系觉得OK,唔算特别好。业绩后股价无再即时大升,少咗个契机,只股要上试高位既机会自然少咗。 对恒指既影响,系都会限制咗升幅。但反而见一啲之前比较落后既股票,大户又开始买返,我暂时又唔觉得个市太差。 大跌唔似,可以做Short Put,赢钱机会大。大升唔似,Long Call争少少,无乜特别机会唔好做住。呢个就系期权班第一堂教既基础,我讲过,非常重要。基础打得好,就会好易识拣策略,赚钱会容易好多。 啲12月Short Put,等多两个星期左右,就会见到效果。就即管睇下个市会唔会有少少调整。到时,如果我出手买货,会通知大家。 P.S. 有啲股票,啲大户已经开始捞货。唔系今日买,但要开留意住,一有机会出现,如果已经知道边啲股票可以买,出手就会快好多。做功课,唔可以懒。 利申:并未持有银娱(0027)权益。   ( 风险声明:笔者为证监会持牌人。以上内容纯属分享并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。以上分享并不代表本网站、笔者或其雇主之意见、立场、推荐、陈述、诱使、支持或安排,亦非任何投资建议或劝诱。读者务请运用个人独立思考能力自行作出任何投资决定。) – –  

Read more

【莫家强】[期权短评] 潜在回报极高既博反弹方法 (2017/10/26)

alexMok

    昨晚夜期既表现都几恐怖。今朝港股开市,低位暂时好似都有啲支持,我都仲估个市会升得返,但总之小心,唔好玩太大。28000点以上睇升,唔好训身玩,都系果句Cash is king。     另外,今日想同大家分享多一个博反弹既玩法。     呢个方法,无论个市估得几错,任何情况下,都唔会输大钱,但估得中方向,真系大升,回报都可以非常可观。其实上堂都教过,但再用实际数字去讲,会更容易明白,   附图 系即月既恒指期权报价。当时期指价格大慨系28117点。28400点Call,价格为34点。买入一张大权,一点$50,成本就系$1700,呢个就系最多有可能输既数。但赢呢?     下星期一到期,假如结算价可以升到去28500点,期权价格就会变为100点,赚194%。再升多100点,升到去28600点,期权价格就会变为200点,赚488%。愈升得高,愈赚得多,唔易赚,但潜在回报极高。     有朋友可能即刻会谂,就快到期既期权,时间值损秏会好快。系架。如果期指结算价升唔到去行使价以上,下星期一之后期权价格就会变零。但可以转一转个玩法,净系博即市,唔过夜,早上买入揾位沽,值博率都相当唔错。     ( 风险声明:笔者为证监会持牌人。以上内容纯属分享并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。以上分享并不代表本网站、笔者或其雇主之意见、立场、推荐、陈述、诱使、支持或安排,亦非任何投资建议或劝诱。读者务请运用个人独立思考能力自行作出任何投资决定。) – –

Read more

【莫家强】[期权短评] 继续睇反弹 (2017/10/25)

alexMok

    有朋友问:“点解先可以捕捉到昨日低位入市?”     无架,三分耐性,七分运气。虽然话啲走势经常都重复,但点样都会有少少差别。落到场,点都有运气成分。不过,如果知道成个方法既理念,会有助我哋更有耐性咁去等待合适机会。     今次博反弹,重点系人哋睇淡,我睇好。昨日早上,个市曾经上升,呢啲位大家都唔系睇得咁淡,所以时机争少少。但下午一跌,大家就睇到啲报纸、杂志转哂淡风,你就知呢个位博更好。当然,讲完呢啲,又系运气都好重要。     简单总结,近日恒指既走势同七月果阵似八成。我继续睇反弹。     ( 风险声明:笔者为证监会持牌人。以上内容纯属分享并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。以上分享并不代表本网站、笔者或其雇主之意见、立场、推荐、陈述、诱使、支持或安排,亦非任何投资建议或劝诱。读者务请运用个人独立思考能力自行作出任何投资决定。) – –

Read more

【莫家强】[期权短评] 阴湿、重复 (2017/10/23)

PhotoAlexMok-0

      过去两年,港股既走势两个特点,第一系“阴湿”,第二系经常重复。     例如,之前讲过,依家恒生指数既形态,同7月初有啲相似。当时,港股又系经历咗1日大跌市,令投资者以为市况会转差,但之后好快就见底反弹,仲要再破埋顶。     但近年好多时候,之前出现过既形态,都会照办煮碗地不断重复。如果系咁,呢两日就算出现整固,都唔好太特别睇淡个市。     今朝要赶做录影,暂时讲到呢度,下午再讲多少少。       ( 风险声明:笔者为证监会持牌人。以上内容纯属分享并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。以上分享并不代表本网站、笔者或其雇主之意见、立场、推荐、陈述、诱使、支持或安排,亦非任何投资建议或劝诱。读者务请运用个人独立思考能力自行作出任何投资决定。) – –

Read more

【莫家强】[期权短评] 睇升要识拣强势股 (2017/10/19)

PhotoAlexMok-0

      呢个几星期,大家捉住上升呢个大方向,应该多少都会有啲斩获。   个市资金唔够,升下停下,反而造就我哋走位既机会。总之,暂时大方向都仲系睇升,如果吼到一啲即市下跌既机会入市,效果会更好。   咁多样方法,赚钱机会最高,而且对初学者又比较容易掌握既方法系Short Put。做过既朋友,就会明白点解。不过,当然大家一定要识得点样控制风险,小心驶得万年船,咁先可以长玩、长赢。   29000点,我估迟早会到。有朋友问可否Long Call,恒指我就未必建议咁做,但上堂成日讲果两只大股,有值博率。最强既股票可以高追,普通强既股票较适宜低吸,总之睇升要识拣强势股,未必赢梗,但值得博,潜在回报会大好多。   附图系保险股既Heat Map,值得留意。     ( 风险声明:笔者为证监会持牌人。以上内容纯属分享并不构成投资建议。投资者于投资前必须充分了解产品风险,自己的财务状况及投资目标,并咨询专业顾问。以上分享并不代表本网站、笔者或其雇主之意见、立场、推荐、陈述、诱使、支持或安排,亦非任何投资建议或劝诱。读者务请运用个人独立思考能力自行作出任何投资决定。) – –

Read more

本网站所包含或提供的资料或材料仅为提供信息,并根本不打算令阁下根据这资料来作交易或投资之用。
对于网站上传输的任何资料或材料的正确性、实用性或可获得性,本网站不承担任何责任。
对于任何基于此类资料或材料所作的交易或投资决定,本网站也不承担任何责任。

承印人:Home Concept Group Limited

地址:尖沙咀金巴利道35号金巴利中心13楼03室