>>按此看問題
相信讀者是公務員，沒有居住之煩惱。本身優勢是煩少一樣，無論在職或退休，都有公營房屋照料。惟人到45歲，可能預視到另一需求，就是退仔儲備只達二百萬，看倌認為此金額是足夠抑或仲差一段距離呢?
筆者所見，退休後維持原本七成收入可令你生活質素大致不變。方法有幾個，首先是參加銀行年金計劃，參加者可一筆過或供五到十年，classic版是每月發放定額現金，維持一段時間(10/20年)，你可意識到單靠這種計劃是不行的! 因就當金額是每月一萬，20年之後一萬元可以只夠綜援式生活，此形容詞不是想得罪他人，如有更貼切字眼請告知。比classic較advance的，是派出金額隨年升5%，銀行亦唔會計錯數，當10000元起步，所索金額一定唔只兩三百萬。
筆者較推薦的，是用物業收租頂替沒有糧出的煩惱。由1978-2011年，香港總通賬為435%，高於日本的79.4%(1975-2010)，新加坡的77.2%(1981-2012)。其中香港與其他地區差異有大部份是在1998年後造成的，其間有種金屬節節上升，引領香港物價飛漲。而三地樓價升幅依次為714%、79.4%、348%，用樓價減去通賬後的實質升幅，為每年6.56%。可以咁講係，就算係手執間樓住足幾十年，而樓房竟沒有自身折舊因素而跟隨香港整體樓價同步「升空」，你原本放係樓既錢都只比猛於虎的通賬每年跑快6.56%，如果你呢十幾年自身理財成績不比樓價升幅高，試問你除左提早離世外，仲有咩方法去打贏隻「老虎」呢?先講打唔贏既後果唔會即死，而係有可能比仔女離棄、有病無錢醫，落雨執紙皮等慢慢折磨死。
當然有人提出買隻匯豐放係度幾十年，一樣可以跑贏大市。在數據而言這是正確。1978年恆生指數是500點，升到現時22000點，足足4400%。稍有睇開財經雜誌、惡補平庸財經知識既人仕都知買匯豐再長放係冇咩可以。但筆者提出之理據是屬自身經歷、行內觀察，冇咩科學證據，偏向投資心理學。就是係28蚊用金額4000萬買5號仔既朋友，通常身家至少都有4億。賺大錢既原因不外乎就係佢有錢，仲有1%就屬射幸事件，好彩到唔好彩。另外有個case係客人被逼賺大錢既，就係佢2006年入左間鋪租比人做茶樓，之後佢生cancer病足幾年，咁佢咪有「定力」，hold足5年食盡個升浪囉。回頭望番自己買股票，有幾何係升夠400%都唔放，而等足4400%呢?
講返讀者，可設下目標為退休收入$75000*70%=$52500。約手持一千三百萬供滿物業便可達成理想。退休因有公屋入住可再減些少。但此數對45歲仍未有物業係手人仕，要達成目標實很有難度。現在最好利用公務員本身易借錢之優勢，再希望佢老闆係黎緊呢幾年比個樓市低位佢，若非真係好難「反底」。如果一心諗住退休住公屋，靠退休時累夠四五百萬而「食過世」，筆者相信到時你每日過得不比街邊拾荒者好很多，都係有錢唔敢洗，有病排街症，希望仔女唔好再問你要錢而矣。此事不是危言聳聽，上文已提其一因素「超級通賬」，有時間可參閱一下未來香港人口結構變化，自行思考。
等市低再將資金投放樓市未遲。現在再錯一次，奈何人生苦短、賺錢時間更短，很難再有改正機會。希望市低時監管放寬，不用付五成首期亦可買入物業收租，公務員另一個考慮，是在官方及半官方機構所述事項的真確性及誠信責任。先計劃和太太每人單名買間細size的單位收租吧，一來可分散買入時間，二來在買第二套房時不用繳付雙倍從價印花稅。在此時間，減除月供基金份額，股票投資著量增加，在價格有風險之投資中，以你年紀及情況，基金和股票比例應是掉轉的。當然要睇過你持有什麼基金及股票，才可予合適意見。
最後一著可行的，莫非是移民越南?
_____________________________________________
筆者正為五月舉辦交流會作準備。相信最實務是由買樓開始講起了。
當然會吸取此課堂之經驗，將來會試辦其他大家感與趣的課程。
由於是首辦所以課程長度只為兩講，收費亦因此調整了。但筆者保證內容是不會少掉的!
課題: 買樓心得交流課程
2013年5月7日及14日(星期二)
晚上7.30-9.00
尖沙咀金巴利道35號金巴利中心11樓
費用: 港幣$120
*有讀者問，特此說明是只用$120，就上哂兩堂了。全課程共兩堂
有意請電郵
[email protected]
詳情
http://www.homebloggerhk.com/?p=7194
