居屋補價居屋除名問題

諗SIR,我有個比較複雜既問題想問一問你,唔知你可唔可以幫下我,個CASE係咁既:

 

我外母現有一層未補地價既居屋(已供完)層樓係用我外母同外母媽媽聯名的,因為我外母同外父想用佢2個名再去抽公屋,因為我外父已夠60歲,配公屋時間應該會快好多 ,問題就來了:

 

1—因為我外母晌層居屋有名,想問下如果除名是否要補地價?如果不用,是否好像私樓搵律師用幾千蚊去攪就可以了?假如要,又是否有方法令到可以不補呢?

 

ANS: 外母同外母媽媽即母女關係,是可以除名的。但留意如果當初係用夫婦聯名(即家庭模式)申請居屋,是不能將老公/老婆是但一位除名的,在此大家要留意一下要除出的是戶主,定係家庭成員,後者是可以除出,戶主應不可。

 

另外由於你未補地價,致使所有申請都要比原因向房屋申請,申請到再去做契。但如果是已補地價居屋,由於業權已全在手,那就咁去律師樓搞就成了。所以如果你肯先補地價,那除名加減較簡單。唔補地價就一定要問過房署。

 

2—假設除名是很簡單,那除名後是否可以馬上去抽公屋?會否有法律上問題?

 

ANS: 呢個係法律上問題,而當初除名是要比原因,看看你的原因是否能充分解釋。

 

 

3—因外母媽媽年事已高(約93歲),假設在以上情況下,抽到公屋前外母媽媽過身了,那居屋的業權會歸誰或怎麼分配呢?

 

ANS: 如果比你除哂名,外母媽媽即單人享有居屋,佢要立遺囑,仔女及後用此書向房署申請轉名。當然如果間居屋唔係聯名,咁就自動由另一戶主繼承架啦! 房署批出後有轉讓同意書,一年內你才可找律師攪轉讓手續。

 

另外留意轉左名後如仔女要賣樓,補地價是需要的。

 

當然間居屋補左地價,就唔使理咁多資格。先睇下有否立遺囑,如否就按法理常規,一半比配偶,另一半比仔女平分。

 

公屋住戶如去世,除非係配偶,否則仔女(即家庭成員)要睇下入息會否超出上限才可續租。另房屋會比一個寬限期,如不合資格在限期過後要搬出。

 

 

4—那如果真的很好彩很快抽到公屋後,再在居屋加回外母的名可以嗎?如果加回居屋的名,對公屋及租金有影響嗎?因真的沒有預過類似問題,懇請諗SIR高抬貴手幫幫忙,萬分感謝!

 

ANS: 如果外母是沒有受任何政府房屋資助,是可以因配偶行簡化資產審查,成為公屋戶之一。

 

當然答案以房署答覆為準,如果想要最準資料,打比專線後再轉到該居屋屋苑專線,由房署睇睇你的住址及覆核個案。相信本篇答案應可為你作起始準備了。HOMEBLOGGER.COM右下角有房署電話及有用連結。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室