【潘家榮】買股票要識得加注 仲要識得加啱野

– 市差股尚算可以
– 1317等機會再加

今日個市的確幾令人失望,尋日急跌由頭跌到落尾,正常今日都應該有得彈,但係今朝開高少少之後,都只係反覆上落,而家都仲係挨近今日低位既位置,唔係幾彈得起,但係睇返個股既情況,又唔係真係咁差,雖未至於好似尋日咁威,絕大部份持股都係升,但係至少今日有一隻1317一股救全家,單日一度升超過7%,而家亦升超過6%,真係不枉佢係成個倉最大果隻。

見佢升得咁靚,按返我地一貫既作風,而家唔係諗咩位食餬,而係諗點樣再加注,當然短時間內升左四成,就唔會係而家,我會等佢喺高位有少少調整,再拗腰升上去既時候先至加,而個止蝕位就會用果一吓調整既低位,用一個非常值搏既方法,去搏又再坐多一注升上去。買股票真係識得加注,仲要識得加啱野,咁樣做先至可以越靚既股票,喺個倉度越大注。要贏大錢就係要咁做,千析唔好聽人講升幾多%又take
一半,再升幾多%又take晒,咁樣只會令你捉到好股都唔識脫角,白白錯失發達機會。

希望今次又好似前年由3個幾坐到8蚊咁,又可以大大注坐大浪。

我再重申一次,買股票係要睇值搏率,係要有近既止蝕位先至去做,如果你一直都係純粹見冧把就跟,完全唔理人地既策略係點既,咁你千析唔好見到我咁樣寫就衝入去,咁樣好易中招架,股票並唔係亂咁玩架

筆者為證監會持牌人,其全權委託帳戶的客戶持有楓葉教育(1317)




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室