【潘家榮】除非落30600才考慮是否要避險

簡讀:
– 今日指數跌唔駛太過緊張
– 強勢股今日仲係升得好靚
– 除非落返去30600先諗要唔要避險
– 騰訊唔係強勢股,無論業績前同業績後都唔會搏

詳細市評:
指數今朝由頭跌到尾,跌幅有成三百幾點,睇落好似幾差吓,不過我地又要諗返,過去五日差唔多升左成2000點,又連續三日裂口高開,稍為回吐調整,消化一吓超買既情況,都係一件好正常既事,再加上睇返個股既情況,完全感覺唔到係跌市,直至呢一刻,揸住6隻股票,有5隻係升,而且仲要有3隻破頂,真係唔覺得個市係差,所以唔理得咁多,繼續坐住而家既貨先。

暫時並唔當今日跌市係咩一回事,除非期指再跌返落去30600,先至再諗係咪要做返啲野避險,不過呢一刻,並唔認為會落到去住。

聽日騰訊出季績,之前已經不斷同大家講,佢已經轉弱晒,絕對唔係一隻強勢股,所以我建議大家都係千析唔好多手走去搏業績喇。




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室