廿幾歲百萬年薪,非倫敦金個案 #1477

20171207_廿幾歲百萬年薪,非倫敦金個案

 

本人今年 29歲,單身,早三年開始創業,無限公司,持有人為自己一個,現月入約11-13萬,平均月入為約12萬,全為現金收入,將來收入將會持續向上,暫月儲約10萬,未持有任何物業,與家父母三人同住公屋,幾年內都未有需要置物業自住。

現儲蓄約160萬首期,打算買樓收租作投資用,早前已報讀買樓003課程 (已報買樓001課程 但未上堂) 上堂已教借貸力由無變有之法,現有幾個疑問

1)      二手樓擔心銀行做到 6成後,HKMC要求較高而唔批,會否因首期及按揭成數不夠,現階段是否較難參與二手樓市場?  (可以的話會用作劏房投資)

2)      一手新樓可以銀行一按加發展商二按借80% – 85%,發展商二按無罰息期,而現收入應該能於兩年內將其還清,但因主要打算作投資出租用,不想以新樓出租。

3)      或該如何部署大方向?

Thanks a lot!

 

ANSWER:

大方向就是要拆身邊第一個大炸彈 – 無限公司。即指如公司有責任要承擔東主即上身,可以一夜之間將讀者積蓄化為烏有。可能讀者心諗會唔會搞到咁大件事? 只好說社會上96%既人都係打工,世途險惡亦無人會無償教授,今日先提只防他日太遲。何況唔賺錢既生意無人理,有錢賺既生意梗有人去告你,讀者生意應剛上軌道要小心。而佢project兩年可把新樓二按還清屬粗心,應戒再用打工思維去量度理財進度。生意人可以半年內已夠錢payoff二按,或者生意差5年內都還唔到,都會。這就是做生意,諗唔明就去請教誠哥,筆者自己盤生意都細到唔識點教。

 

作為生意人,同公務員相反,一生不儲樓,買樓最少比4成首期,亦唔好將按揭同公司戶口放係同一間銀行。主因是生意人比打工仔要諗多幾個問題:

  1. 生意做大客戶BASE夠,機遇自然多。冷不坊老闆屎忽痕拎左一百幾十萬去搞盤新生意,原本在活期戶口既錢會用乾乾
  2. 當言道,水退後才知邊個係贏家。水退之時要出糧比伙記而銀行亦會追殺你,落雨收遮不在講,更會把樓按CALL LOAN及CUT係OD放埋係同一日,全部都要錢,等你有個深重回憶
  3. 當然以讀者月賺金額,可能仲係一盤唔使請伙記的小本小生意。惟作為老闆就想做大,豐富自己人生之餘更賺取更大成就感,呢樣野係全職炒股無既,亦屬出家成彿之前很多老闆的想法
  4. 老闆最重要的投資,就係自己盤生意。如果你認為買樓收租仲好賺過自己盤生意,一係你就玩緊759個套,又或者你身家容許自己把時間放在低成效的地方。

 

因此讀者手上資金,應入手債基收住10-12%息,用債基「養」個首期出黎,他日有300萬先拎一半150萬買樓。債基無年期月月派息,可對應生意人不時要資金或生意轉差的煩惱。若果認為自己搵10萬要住靚野,可以租。唔好夾硬上大三房或四房,不少人用今時收入去判斷長遠買樓自己享受,公務員成世唔比人炒或者可以,生意人一定要留現金比自己。

 

另外第一間樓唔好豪裝,呢D野係好多篇文都提過,不過見讀者有打算第一次買樓所以提一下。讀者最好就唔做二按比夠四成買樓上會,一年之後應儲到300萬,不妨拎120-160萬去買350-450萬budget的二手樓。日後生意再上一層樓,再諗下一階段,讀者很有前景的。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室