谂sir回复皇帝有关理财的圣旨 #1459

Hello 谂sir

 

本人今年40。储蓄1百万,月入5万3,每月支出(租+车费+食物)8千。每年旅行用大概6万。

 

我想系港岛买实用面积700尺单位(楼年龄最好30或以下)同屋企人住。

 

屋企人可以资助3百万。

 

本人想50岁退休,你觉得可行吗?

 

亦有谂过投资d旧楼租出去,咁就有固定收入,谂紧投资香港定海外好?如果海外,有冇边度比较好?
answer:

本案读者以非学生身份而获得作答,主要是其描述够写实、而想法亦令笔者想起阿娇个种天真。正因如此,笔者将会于本年提供有关英国楼房的讲座,奉劝大家有能力就走,或者留条后路比自己。今日既香港,你我都有份造成,无得怪人。一些内地到港的小朋友虽然男既百厌,而女就好鬼现实,不过成长于一个充满不安环境既小朋友,向钱看及爱用拳头都是正常结果。反观呢位年近40岁,或者有睇开本blog更可能比左一个like咁俾面既皇帝,40岁本应齐家修身而将历练教比仔,相反呢位大哥浪费自己时间去问笔者一些中学算术水平既事,更将自己买楼及退休之事都交托埋比父母帮手,短短5行字已教笔者心寒,功力劲过金庸老师。发现原来香港地,真系有唔少皇帝。佢地住开温室,唔吓得。

 

或者呢位月入53k既大哥,从职业看可能是不少香港父母的标准。不过原来读得书叻人工几好,到40岁原来都仲有咁多烦恼…咁父母们又有咩对策,为你40岁时的儿子想想呢? 系咪继“学行楼梯班”之后,又有新Course可以搞? 谂sir入股一齐搞可以吗?

 

无自我解难能力

明白读者问自己十年后能否退休? 可能想获笔者肯定,佢高层一定自己识计! 估计一条咁简单既算术点难到佢: 40岁既4人手执100万,如月储人工一半即26K,十年现金有100万+26K*120月 = 412万。若冇人冇物80岁拜拜,每月可用412万/360月 = $11444。当然退休有MPF,会令情况好些少。如一病即死,$11444个数就唔洗留番比医生而自己用尽。不过呢位40岁既人仕如手上现金真有100万,假设佢28岁(读者博士先出黎)开始做野,144个月储左100万,即月储$6944,即系人工的13%。当然佢28岁个阵人工梗系低一点,不过皇帝陈述的储蓄数字,与他圣旨上其他状况不符。

 

笔者认为皇帝讲佢去旅行既年支出数字,远远比佢讲自己的储蓄数字准确得多。

 

无钱银概念

当然梗有批人一开口就将责任赖比人,从小学写字到大学拍拖,佢都从来唔认错既。因此笔者会将皇帝搅成咁既责任赖比支付宝同八达通。呢d万恶既电子支付,模糊左年青人对钱的模念。佢地再唔能够打开猪仔银婴去了解自己钱多定少。又或当钱币扣减时,佢地无左一个“少左钱”的视觉效果。

 

香港买楼是个很低税的地方,加上空置率比较上很低,你去外国买楼预拉埋杂费之后,租金收入唔会比香港楼高好多。若阁下是看好当地经济想买楼赚钱,而唔系为租,那买当地楼市的REITs是又平而又悭支出的做法。当然买外地楼有一好处是REITs及香港楼都比不上的,就系你需要将钱向外藏。一般资产净值达2000万港币或以上人仕,开始有此需要。有得呢个数,好少系10万月入以下的打工仔,原因你计得到。作为高资产端老板或集团领头人马,你在猪笼入水的时侯会不时得罪了他人,又或入水情况严重,开始有些人打你或屋企人主意,再加上仔女唔想留系香港读书的情况下,系外国置业是一举几得之法。至于系边买? 既然系储蓄财富,夹万一定唔可以穿底。那马来西亚? 中国? 泰国? 有良好的法规保存你资产吗? 讲到搬钱同世界观,中国的人民是全球第一的,净低既都唔使教埋你啦。








本网站所包含或提供的资料或材料仅为提供信息,并根本不打算令阁下根据这资料来作交易或投资之用。
对于网站上传输的任何资料或材料的正确性、实用性或可获得性,本网站不承担任何责任。
对于任何基于此类资料或材料所作的交易或投资决定,本网站也不承担任何责任。

承印人:Home Concept Group Limited

地址:尖沙咀金巴利道35号金巴利中心13楼03室