【股海崢嶸】潘家榮(Kevin Sir)大市短評 (2017/05/02)

00個人照-0_0

 

2/5/2017 15:30

坊間一般用止賺位呢個名詞,其實同目標價用法差唔多,即係揸住隻股票就喺上面諗定個位,升到上去就止賺沽左佢,有得賺當然係開心既事,但係咁樣做只會阻「止」自己「賺」更加多。好多靚既股王,相信好多人都有買過,但係點解大部份人都只係賺得果少少,而賺唔到過倍既升幅?原因咪就係因為大部份人都係鍾意急功近利,有得賺就盡快賺左先,但係當你好開心享受果一刻既成功感之後,其實同時間就將發達機會白白溜走。

 

 

你可能會話,坐大浪我夠知好啦,但係好多時如果唔食左先,又會驚佢跌返落黎錯失食餬機會。就係呢種恐懼,令好多人覺得要估頂、定好目標價先至可以賺到錢,亦都係因為咁,所以好多人無論買股票又好,睇大市又好,都只係賺少少就走,坐大浪永遠無你份。

 

 

要改變其實唔難,只要你由今日起改變Mindset,唔好再喺上面定個目標價限制住自己最多可以賺幾多。止賺位應該放喺股價既下面,當股價一路升就由得佢flow,幫你賺更多既錢,同時間又將個止賺位不斷提高, 即係好似你去爬摩天大廈,如果一路爬,同地面越黎越遠,你梗係會畏高怕跌落去啦,但係如果當你爬緊既同時,你後面有一部升降機慢慢跟住你,而且同你距離好近,可能只係一張枱同地面之間既距離,萬一你唔小心失腳,都係跌返喺個升降機上面,咁你就自然無咁驚,亦都可以好安全地爬上去。

 

 

好多人話風險同回報係成正比,但係只要Mindset既改變,要賺大錢並唔需要承受高風險都可以做到,至於點樣安全地坐大浪,方法就留返課堂上再講喇。

 







 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室